Memleket basshysy Qasym-Jomart Toqaev ulttyq sanaqty belgilengen merzimde sapaly ótkizýdi tapsyrdy, dep habarlaidy "Ult aqparat".
«Taǵy bir ózekti másele, biyl kúzde elimizde úshinshi Ulttyq halyq sanaǵy ótedi. Bul sanaq indetke bailanysty kúrdeli kezeńde ótetin boldy. Sondyqtan Úkimetke, Strategiialyq josparlaý jáne reformalar agenttigine jergilikti atqarýshy organdarmen birlesip, ulttyq sanaqty belgilengen merzimde sapaly ótkizýdi tapsyramyn. Bul rette, sanaq júrgizetin qyzmetkerlerdiń bári vaktsina alyp, qajetti qorǵanys quraldarymen qamtamasyz etilýge tiis», - dedi Prezident Úkimettiń keńeitilgen otyrysynda.
Aita keteiik, Táýelsiz Qazaqstan tarihyndaǵy úshinshi ulttyq sanaq 2019 jyly ótkiziledi dep josparlanǵanymen, 2021 jyly dástúrli jáne onlain formatta ótedi. Onlain sanaq 2021 jyldyń 1 qyrkúiek pen 15 qazan aiynda Sanaq.gov.kz saitynda ótkiziledi.
1 qyrkúiek pen 15 qazan aralyǵynda onlain rejimde ózdiginen saýalnama paraqtaryn toltyrý múmkindigi bolady. Júie táýligine 24 saǵat qoljetimdi bolady, respondentter sanaqqa qatysý úshin ózine yńǵaily ýaqytty tańdai alady. Odan basqa, «Egov» platformasynda elektrondyq tsifrlyq qoltańba arqyly jáne «Aitu» mobildi qosymshasy arqyly sanaqtan ótýge bolady.
Al dástúrli ulttyq sanaq onlain rejimde sanaqtan ótpegen turǵyndar úshin 1-30 qazan aralyǵynda ótedi.
