مەملەكەت باسشىسى قاسىم-جومارت توقاەۆ ۇلتتىق ساناقتى بەلگٸلەنگەن مەرزٸمدە ساپالى ٶتكٸزۋدٸ تاپسىردى, دەپ حابارلايدى "ۇلت اقپارات".
«تاعى بٸر ٶزەكتٸ مەسەلە, بيىل كٷزدە ەلٸمٸزدە ٷشٸنشٸ ۇلتتىق حالىق ساناعى ٶتەدٸ. بۇل ساناق ٸندەتكە بايلانىستى كٷردەلٸ كەزەڭدە ٶتەتٸن بولدى. سوندىقتان ٷكٸمەتكە, ستراتەگييالىق جوسپارلاۋ جەنە رەفورمالار اگەنتتٸگٸنە جەرگٸلٸكتٸ اتقارۋشى ورگاندارمەن بٸرلەسٸپ, ۇلتتىق ساناقتى بەلگٸلەنگەن مەرزٸمدە ساپالى ٶتكٸزۋدٸ تاپسىرامىن. بۇل رەتتە, ساناق جٷرگٸزەتٸن قىزمەتكەرلەردٸڭ بەرٸ ۆاكتسينا الىپ, قاجەتتٸ قورعانىس قۇرالدارىمەن قامتاماسىز ەتٸلۋگە تيٸس», - دەدٸ پرەزيدەنت ٷكٸمەتتٸڭ كەڭەيتٸلگەن وتىرىسىندا.
ايتا كەتەيٸك, تەۋەلسٸز قازاقستان تاريحىنداعى ٷشٸنشٸ ۇلتتىق ساناق 2019 جىلى ٶتكٸزٸلەدٸ دەپ جوسپارلانعانىمەن, 2021 جىلى دەستٷرلٸ جەنە ونلاين فورماتتا ٶتەدٸ. ونلاين ساناق 2021 جىلدىڭ 1 قىركٷيەك پەن 15 قازان ايىندا Sanaq.gov.kz سايتىندا ٶتكٸزٸلەدٸ.
1 قىركٷيەك پەن 15 قازان ارالىعىندا ونلاين رەجيمدە ٶزدٸگٸنەن ساۋالناما پاراقتارىن تولتىرۋ مٷمكٸندٸگٸ بولادى. جٷيە تەۋلٸگٸنە 24 ساعات قولجەتٸمدٸ بولادى, رەسپوندەنتتەر ساناققا قاتىسۋ ٷشٸن ٶزٸنە ىڭعايلى ۋاقىتتى تاڭداي الادى. ودان باسقا, «Egov» پلاتفورماسىندا ەلەكتروندىق تسيفرلىق قولتاڭبا ارقىلى جەنە «Aitu» موبيلدٸ قوسىمشاسى ارقىلى ساناقتان ٶتۋگە بولادى.
ال دەستٷرلٸ ۇلتتىق ساناق ونلاين رەجيمدە ساناقتان ٶتپەگەن تۇرعىندار ٷشٸن 1-30 قازان ارالىعىندا ٶتەدٸ.
