Prezident N.Nazarbaev jyl basyndaǵy halyqqa Joldaýynda Qazaqstannyń úshinshi jańǵyrýy bastalǵanyn jariia etti. Osylaisha, álemdegi eń damyǵan 30 eldiń qataryna qosylýǵa baǵyttalǵan aiqyn maqsat jolyndaǵy qaita túleýdiń airyqsha mańyzdy eki protsesi – saiasi reforma men ekonomikalyq jańǵyrý qolǵa alyndy.
Elbasy Nursultan Nazarbaevtyń 2017 jylǵy 12 sáýirde «Egemen Qazaqstan» gazetinde jariialanǵan «Bolashaqqa baǵdar: rýhani jańyrý» atty maqalasyn ulttyq rýhani ósip-órkendeýimiz ben kemeldenýimizdiń baǵdarlamasy dep qabyldaǵan jón.
Úshinshi jańǵyrý men baǵdarlamalyq maqalanyń arasynda bir-birin tolyqtyryp turǵan tyǵyz bailanys bar. Elbasy jazǵandai, «Maqsatqa jetý úshin bizdiń sanamyz isimizden ozyp júrýi, iaǵni, odan buryn jańǵyryp otyrýy tiis. Bul saiasi jáne ekonomikalyq jańǵyrýlardy tolyqtyryp qana qoimai, olardyń ózegine ainalady». Sondyqtan, kemel oily Prezident elimiz myqty, ári jaýapkershiligi joǵary Birtutas el bolý úshin bolashaqqa qalai qadam basatynymyz jáne buqaralyq sanany qalai ózgertetinimiz týraly oi-pikirleri men kózqarastaryn ortaǵa salýdy jón kóredi.
Maqalany kózi qaraqty, kókiregi oiaý árbir jannyń oqýy kerek. Kóz júgirtip qana, jyly jaýyp qoia salýǵa bolmaidy. Jan-júregimen túisinip, áldeneshe ret qarap shyqqan jón. Óz ultyn súigen, elin-jerin aialaityn jan osylai etse kerek! Olai deitinimiz, Elbasy eń aldymen HHI ǵasyrdaǵy ulttyq sananyń qyrlary turǵysyndaǵy filosofiialyq tujyrymdaryn usyna otyryp, jańa turpatty jańǵyrýdyń eń basty sharty – sol ulttyq kodyńdy saqtai bilý ekenin aitady. Sonymen birge, rýhani jańǵyrý ulttyq sananyń túrli poliýsterin qiynnan-qiystyryp, jarystyra alatyn qudireti men mańyzdylyǵyna toqtalady. Bul – tarlan tarihtyń, jasampaz búgingi kún men jarqyn bolashaqtyń kókjiekterin úilesimdi sabaqtastyratyn ult jadynyń tuǵyrnamasy ekenin shegelep turyp tujyrymdaidy. Bul degenińiz ulan-baitaq jerdiń iesi – ár qazaqtyń jan-dúniesindegi «Máńgilik el» uǵym-túsiniginiń de irgetasy, tuǵyry bolsa kerek! Sóz oraiy kelgende Elbasynyń «Nurly Jol – bolashaqqa bastar jol» atty Joldaýynda tebirenispen aitqan tómendegi joldary kezinde árkimniń-aq júreginen oryn alǵany aqiqat edi: «Qadirli halqym! Biz jalpyulttyq ideiamyz – Máńgilik eldi basty baǵdar etip, táýelsizdigimizdiń damý dańǵyly Nurly Jolǵa ainaldyrdyq. Qajyrly eńbekti qajet etetin, keleshegi kemel Nurly Jolda birligimizdi bekemdep, aianbai ter tógýimiz kerek. Máńgilik el – eldiń biriktirýshi kúshi, eshqashan taýsylmas qýat kózi. Ol «Qazaqstan-2050» Strategiiasynyń ǵana emes, HHI ǵasyrdaǵy Qazaqstan memleketiniń myzǵymas ideialyq tuǵyry!».
Memleket basshysy eńbeginiń eń basty ideiasy – Máńgilik Qazaq eliniń rýhani tuǵyryn negizdep, altyn arqaýyn shirata túsý. Mine, bul jóninde maqalanyń birinshi bóliminde básekege qabilet, pragmatizm, ulttyq biregeilikti saqtaý, bilimniń saltanat qurýy, Qazaqstannyń revoliýtsiialyq emes, evoliýtsiialyq damýy jáne sananyń ashyqtyǵy taqyrypshalarymen berilgen Prezident jazbalary tereń tolǵamdarymen qalyń oqyrmandy tánti etedi. Eńbektiń ekinshi bóliminde Qazaq eliniń aldynda turǵan taiaý jyldardaǵy mindetter naqty saralanady.
Prezident maqalasy elimizdiń bas basylymy – «Egemen Qazaqstanda» jariialanǵannan keiin gazet betterinde eńbek tóńireginde tolǵamdy oi-pikirler, únqatýlar úzbei jariialana bastaǵany belgili. Bizdiń talai jyldardan bergi ǵylymi baǵytymyz ulttyq identifikatsiia, ulttyq biregeilik, ulttyq básekelestikke qabilettilik pen ulttyq para-parlyqqa umtylys máseleleri bolǵandyqtan da Elbasy tujyrymdap otyrǵan ulttyq jańǵyrý taqyrybynyń janymyzǵa qanshalyqty jaqyn ekendigi aitpasaq ta túsinikti. Onyń ústine Prezident jaily jazylǵan «Uly Dala generatory» atty kitabymyzda birqatar ulttyq máselelerdi kóterýge tyrysqan edik. Elbasy jaily maqalalarymyz respýblikalyq gazet-jýrnaldarda, shetel basylymdarynda jariialanyp keledi.
Elbasynyń baǵdarlamalyq maqalasy tóńireginde sóz qozǵaǵan qoǵam jáne memleket qairatkerleri, Parlament Májilisi men Senatynyń depýtattary, mádeniet jáne óner qairatkerleri, ministrler, akademikter, aqyn-jazýshylar, san alýan mamandyq ieleri rýhani jańǵyrýdyń san alýan qyrlary haqynda tolǵanys-tebirenispen jarysa baiandaýmen keledi. Olardyń júrekjardy oi-pikirleri, usynys-tujyrymdary qurmetke laiyq. KSRO halyq artisi,Qazaqstan jáne KSRO Memlekettik syilyqtarynyń laýreaty, qazaqtyń taý tulǵalarynyń biri Asanáli Áshimov maqalanyń tereń mánine oi júgirte otyryp, naqty ustanymen ortaǵa salady. Ulttyq óner akademiiasyndaǵy ózi dáris beretin qyryq stýdentke maqalany oqyp shyǵý jóninde tapsyrma bere otyryp, aldaǵy úsh kúnde bul eńbek boiynsha synaq qabyldaitynyn eskertedi. Mine, bul degenińiz shákirt tárbielep júrgen árbir ustaz tálim alar rýhani tárbieniń izgilikti úlgisi bolsa kerek. «Aiqyn» gazetiniń bas redaktory, Qazaqstannyń eńbek sińirgen qairatkeri Nurtóre Júsip «Elbasynyń ulttyq ideiasy» degen tolǵaý maqalasynda «Nursultan Nazarbaev «Bolashaqqa baǵdar: rýhani jańǵyrý» atty maqalasynda qazirgi qazaq qoǵamynyń aldyna óte úlken, airyqsha mańyzdy máselelerdi qoidy. Abai óziniń áigili «Qarasózi» arqyly qazaqty HH ǵasyrǵa daiarlasa, Nursultan Nazarbaev el-jurtty HHI ǵasyrǵa daiarlaýdyń jolyn nusqady. Óte qýatty, jasampazdyq pen jigerge toly maqala» dep aǵynan jaryla kele, «Elbasynyń maqalasyn barsha qazaq balasy jata-jastana oqýy, oi toqýy, bel býyp, bilek túrinip, júzege asyrýǵa jappai atsalysýy tiis dep esepteimin» dep jazady.
Prezident maqalasyndaǵy bilimniń saltanat qurýy jónindegi tujyrymdary ustazdyq jolda júrgen bizdiń erik-jigerimizdi qairap, qulshyndyra tústi. «Tabysty bolýdyń eń irgeli, basty faktory bilim ekenin árkim tereń túsinýi kerek, – deidi Elbasy. – Jastarymyz basymdyq beretin máselelerdiń qatarynda bilim árdaiym birinshi orynda turýy shart. Sebebi, qundylyqtar júiesinde bilimdi bárinen biik qoiatyn ult qana tabysqa jetedi». Qai zamanda da oqý-bilimniń mártebesi biik bolǵan. Muny qazaq ulylary zerdelei bilgen. On toǵyzynshy ǵasyrdyń ekinshi jartysynda Ybyrai ata «Kel, balalar, oqylyq…» dep Uly Dalany qońyraýlatty. Qazaqtyń uly oishyl aqyny Abai halqyn bilimdi bolýǵa úndep ketti. Osynaý ulylardyń arman-amanaty oryndaldy desek te bolady. Qazirgi qazaqtyń kókirek-kózi oiaý, jappai saýatty elmiz. Táýelsizdik jyldarynda bilim salasynda qyrýar jumys jasaldy. Bir ǵana mysal. Tuńǵysh Prezidentimiz Nursultan Ábishuly Nazarbaevtyń Jarlyǵymen 1991 jylǵy 6 maýsymda aýdan ortalyǵy bolyp kelgen shaǵyn shaharda Túrkistan Memlekettik ýniversitetiniń ashylyp, oǵan uly aqyn jáne oishyl, alǵashqy túrik islam sopysy Qoja Ahmet Iasaýi babamyzdyń esimi berilýi búkil túrki dúniesinde úlken qubylys, tarihi oqiǵa boldy. Arada bir jyldan astam ýaqyt ótkende Qazaqstan Respýblikasy Úkimeti men Túrkiia Respýblikasy Úkimeti arasyndaǵy Kelisim boiynsha Túrkistan Memlekettik ýniversiteti túrki álemindegi tuńǵysh Halyqaralyq qazaq-túrik ýniversiteti mártebesin aldy. Qazir bul bilim ordasy Orta Aziiadaǵy irgeli oqý oryndarynyń birinen sanalady.
Prezident maqalasynda sananyń ashyqtyǵy turǵysynda sóz qozǵai otyryp, jer júzindegi milliardtan astam adam óziniń týǵan tilimen qatar, kásibi bailanys quraly retinde japatarmaǵai oqyp jatqan aǵylshyn tilin bizdiń de jappai jáne jedel úirenýimiz kerektigi esh dáleldeýdi qajet etpeitinine basa nazar aýdarady. Qazaq tilin birtindep latyn álipbiine kóshirý taiaý jyldardaǵy mindetter aiasyndaǵy basty jobalardyń birine ainalyp otyr. Elbasy maqalasynda latynshaǵa kóshýdiń logikasyn alǵa tarta otyryp, bul qazirgi zamanǵy tehnologiialyq ortanyń, kommýnikatsiianyń, sondai-aq HHI ǵasyrdaǵy ǵylym men bilim berý protsesiniń erekshelikterine bailanysty bolyp otyrǵanyna kóńil aýdarady.
Elbasynyń baǵdarlamalyq eńbeginde qoǵamdyq jáne gýmanitarlyq ǵylymdar boiynsha «Jańa gýmanitarlyq bilim. Qazaq tilindegi 100 jańa oqýlyq» jobasyna airyqsha mán berilgen. Bul jas urpaqqa jańa sapalyq deńgeide bilim berýge batyl betburys jasap, bilim salasyndaǵy jahandyq básekege neǵurlym beiimdelgen mamandardy daiarlaý degen sóz.
Memleket basshysy maqalasynda «Týǵan jer» baǵdarlamasy men «Qazaqstannyń qasietti rýhani qundylyqtary» nemese «Qazaqstannyń kieli jerleriniń geografiiasy» jobasyn jasaýdy tapsyrdy. Elbasy «Týǵan jer» baǵdarlamasy jalpyulttyq patriotizmniń naǵyz ózegine ainalatynyna kámil sene otyryp, Qazaq elin mekendeitin árbir jannyń boiyndaǵy týǵan jerge degen súiispenshiliktiń Týǵan elge – Qazaqstanǵa degen patriottyq sezimge ulasatynyn qadap turyp aitty. Árbir qazaqstandyq óz eliniń patrioty bolýǵa mindetti. Patriotizm óz tarihy men tamyryn bilýmen tikelei bailanysty bolsa kerek.
Uly Dala kóshpendileriniń asa bai rýhani tarihy bar. Árbir halyqtyń barshaǵa ortaq qasietti jerleri bolady. Osy turǵydan kelgende Elbasy «Ideianyń túpki tórkini Ulytaý tórindegi jádigerler keshenin, Qoja Ahmet Iasaýi mavzoleiin, Tarazdyń ejelgi eskertkishterin, Beket ata kesenesin, Altaidaǵy kóne qorymdar men Jetisýdyń kieli mekenderin jáne basqa da jerlerdi ózara sabaqtastyra otyryp, ult jadynda birtutas keshen retinde ornyqtyrýdy meńzeidi» dep ejelgi tarihi jádigerlerimizdi tilge tiek ete kele, munyń bári tutasa kelgende halqymyzdyń ulttyq biregeiliginiń myzǵymas negizin quraitynyn aitady. Prezident «Qazaqstannyń kieli jerleriniń geografiiasy» jobasyn ázirleý barysynda ishki jáne syrtqy mádeni týrizmdi órkendetý maqsatymen osy qasterli muralarǵa súiene otyryp, mádeni mańyzdylyǵy turǵysynan kelgende Túrkistan men Altaidyń ulttyq nemese qurlyqtyq qana emes, jahandyq aýqymdaǵy qundylyqtar ekenine airyqsha mán berýdi tapsyrdy.
Adamzat balasy tarihyndaǵy túrki álemi degen qasterli uǵymnyń túpqazyǵy, rýhani shańyraǵy uly babamyz Qoja Ahmet Iasaýidiń otany – qasietti Túrkistanda babalar rýhy jańǵyryp jatyr. Qazaq handyǵynyń astanasy bolǵan ejelgi Túrkistan – tegi bir, dili bir, dini bir kúlli túrki halyqtarynyń Atajurtynda basyn qosyp, rýhyn asqaqtatatyn rýhaniiat ortalyǵy, rýh astanasy. Kezinde «Din – apiyn» degen qaǵida ustanǵan Keńes ókimetiniń tusynda Iasaýi babamyzdyń kesenesi de, Túrkistan qalasy da «ógeilik» kórdi. Keńestik imperiia ideologiiasy ult perzentterine bailanysty syńarjaq kózqaras qalyptastyrǵanymen, halyq jadynan tarihi aqiqatty óshire alǵan joq. Sońǵy derekterge súiener bolsaq, qazaq halqynyń Túrkistanda jerlengen handary men bileriniń, dańqty batyrlarynyń jalpy sany 130-dan asyp otyr. Olardyń 21-i handar, qily kezeńderde taqqa otyrǵan ult asyldary. Óziniń «Danalyq kitabymen» álemge tanylǵan áýlie baba Qoja Ahmet Iasaýidiń esimin Túrkistannan nemese Túrkistandy Iasaýiden ajyratyp qaraý múmkin emes. Uly aqyn-áýlieni rýhani kósem sanaǵan musylmandar toǵyz júz jyldan beri onyń ilimimen birge jasap keledi. Bul jóninde Qazaq eliniń Prezidenti Nursultan Nazarbaev «Tarih tolqynynda» atty kitabynda aǵynan jaryla bylai dep jazdy: «Túrkistannan taraǵan asa qýatty rýhani sáýlemen nurlanǵan túrkilerdiń tuńǵysh sopysy – Qoja Ahmet Iasaýi 1093 jyly týǵan. Ol negizin qalaǵan islamnyń tylsym qupiiasy – sopylyqtyń (sýfizm) qarapaiym halyqtyq nusqasy tez ýaqytta Qazaqstannyń soltústigi men shyǵysyna deiin tarady. Qoja Ahmet Iasaýi Ortalyq Aziiadaǵy, onyń ishinde Qazaqstanda da, barlyq túrki halyqtaryna ulttyq rýhani ilim júiesin órnektep berdi…
Túrkilerdiń ómirlik, praktikalyq filosofiiasyn quraǵan saldar retinde Iasaýinamada táńirshildik elementteri ózderiniń maǵynasyn saqtap qaldy. Naq osy Iasaýi ilimi arqyly islam qazaqtardyń rýhani ómir saltyna ainaldy da, keiingi segiz ǵasyrdyń ón boiynda solardy jebep keldi. Qazaq handyǵy men qazaq halqy qurylǵanda, solardyń bastaý bulaǵynda osy ilim turdy. Eger, qazaqtardyń rýhani tarihy jazyla qalsa, Qoja Ahmet Iasaýidiń hikmetteri («Danalyq sózderi») sózsiz onyń bir bóligi bolyp kirýge tiis. Iasaýidiń ustazy Arystanbabtyń Otyrardaǵy kesenesi men Qoja Ahmet Iasaýidiń Túrkistandaǵy kesenesi – qazaqtardyń ulttyq rýhaniiatynyń asa mańyzdy ortalyqtary. Qoja Ahmet Iasaýi kesenesi qazaq memlekettiginiń nysanyna ainalyp, keiingi ýaqytta jalpyulttyq ziiarat-qorym (panteon) qyzmetin atqardy. Qazaq halqynyń uly perzentteriniń múrdeleri osy jerde saqtaýly. Sondyqtan, osynaý tamasha eskertkishti qalpyna keltirip, bas biriktirer ortaq kindikke búkil ulttyń nazaryn aýdaryp otyrǵanymyz durys». Túrkistandy óziniń tarihi ornyna sáikes biikke kóterý búgingi basty mindet bolyp tabylady. Aldaǵy kezde respýblika Úkimeti aldyna qoiylǵan kúrdeli máseleler az emes. Sonyń biri – Túrkistan qalasyna airyqsha mártebe berý máselesi. Bul – jurtshylyqtyń kópten beri kóterip kele jatqan suraýy. Ekinshisi – Túrkistan men Kentaýǵa ekonomikalyq aimaq quqyǵyn berý qajettigi. Túrkistannyń 1500 jyldyq mereitoiy qarsańynda osy máselelerdiń sheshiletinine halyqtyń senimi kúshti edi. Ókinishke qarai, respýblikanyń ol kezde ekonomikalyq daǵdarysty bastan keshirýi bul problemalardy júzege asyrýǵa mursha bermedi. Qazirgi kezde Qazaqstannyń ekonomikalyq qýaty órleýge bet alyp keledi. Osy jaǵdaidy esepke ala otyryp, Túrkistan qalasyna airyqsha mártebe berý men Kentaýdy qosyp erkin ekonomikalyq aimaq dep jariialaýǵa múmkindik bar. Túrkistandy bolashaqta halyqaralyq týristik orynǵa ainaldyrý úshin jańadan qonaqúiler, basseinder, fontandar salý, joldardy túzetý, aimaqty kógaldandyrý, orta jáne kishi kásipkerlikti damytý, tarihi adamdardyń eskertkishin turǵyzý, parkter men baqtardy kórkeitý, onyń aýmaǵyn abattandyrý úshin joǵaryda atalǵan sharalardy júzege asyrý qajet. Sondai-aq qasietti Túrkistandaǵy «Áziret Sultan» qoryq murajaiynyń gúldene túsýine tiisti ministrlik qamqorlyq jasap, naqty kómek kórsetip otyrsa, is alǵa basar edi. Qazir kieli Túrkistanda klassikalyq filosofiialyq, arheologiialyq, taǵy da basqa baǵyttardy keń óris aldyrý úlken mańyzǵa ie ekenimen eshkim de daýlasa almaidy. Buǵan bilim ordasynyń ǵalymdary óz úlesterin qosýǵa daiyn. Olai deitinimiz, ǵylymi áleýet bar. Bir tań qalarlyǵy sol, kúni búginge deiin Ahmet Iasaýi tereń zerttelmegen, uly ǵulamanyń jeke ómiri, tarihy jóninde tam-tumdap qana bilemiz. Iasaýi mýzeii qajet-aq. Sondai-aq, osynda jerlengen handarǵa, batyrlar men bilerge arnalǵan ashyq aspan mýzeiin iske qossaq, qala mártebesiniń biiktei túseri sózsiz. Osy oraida, myna máselelerge de basa nazar aýdarsaq nur ústine nur bolar edi. «Túrkistan – murajai qala» kontseptsiiasyn usynamyz. Túrkistan atyrabynda eski shaharlar tutasyp jatyr. Demek, qazba jumystaryn keń baǵytta júrgizip, saiahatshylar tamsana tamashalaityndai jaǵdai týǵyzý qajet. Ata-babadan miras bolyp qalǵan ulttyq qolónerdi jańǵyrtyp, ony jańa sáýlet ónerimen úndestire bilsek, qaneki. Osyndai igilikti isterdi Arystanbabta, Syǵanaq qalashyǵynda, ózge de tarihi mekenderde júrgizer bolsaq, bul týrizmniń damýyna negiz bolar edi. Osy turǵydan kelgende, Ońtústik Qazaqstan men Qyzylorda oblystary ákimderiniń yntymaqtasa otyryp, is-qimyl tanytýy mańyzdy. Qazir onyń alǵysharttary jasalýda. Aitalyq, ýniversitetimizdegi Arheologiia ǵylymi-zertteý institýtynyń Syǵanaq arheologiialyq ekspeditsiiasy oryndap jatqan «Tarihi-mádeni mura nysany – ortaǵasyrlyq Syǵanaq qalasynda arheologiialyq zertteýler júrgizý» degen ǵylymi joba mańyzǵa ie. 2013 jyly maýsym aiynda Qyzylorda oblysynyń ákimi Syǵanaq qalasyn arnaiy kelip kórdi. Jasalyp jatqan jumystardyń mańyzyna jete mán bergen ákim 2014-2016 jyldarǵa arnalǵan ǵylymi jobaǵa ár jylǵa 12 million teńge bólip otyrýǵa ýáde berdi. Arheologiia institýtynyń usynysymen Syǵanaq qalasynyń qorǵaý aýmaǵy belgilenip, ony Qyzylorda oblysynyń máslihaty bekitti. Institýt «Ortaǵasyrlyq Syǵanaq qalasy» atty ashyq aspan murajaiyn ashý jóninde usynys berdi.
Qazaq eli Táýelsizdiginiń shirek ǵasyrdan astam merzimi ishinde Prezident Nursultan Nazarbaevtyń kótergen ideiasy kieli Túrkistannyń uly qasietiniń jandana túsýine, búgingidei izgilikti isterdiń beleń alýyna basty negiz boldy. Qasietti mekenniń jasaryp-jańǵyrýynda, ósip-órkendeýinde Qazaq eli táýelsizdigi qarsańynda dúniege kelgen Halyqaralyq qazaq-túrik ýniversiteti erekshe ról atqaryp otyr desek, artyq aitqandyq emes. Bilim ordasy Qazaq eli Táýelsizdiginiń simvolyna, kúlli túrki halyqtarynyń bilimi men ǵylymynyń, mádenietiniń altyn besigine ainalyp keledi. San ultty stýdentter arasyndaǵy dostyq bilim ordasynyń qabyrǵasynda júrgende máńgilik nyǵaia túsedi. Búkil túrki halyqtary yntymaǵynyń negizi bolyp tabylatyn da solar. Olar ózara qarym-qatynasta júrip, týystas halyqtardyń tarihyn, mádenietin jáne tilin tereń uǵynady. Bilim ordasynyń stýdentteri ózge stýdentterden bilim sapasymen ǵana emes, sonymen qatar patriottyq rýhymen de erekshelenedi. Ýniversitet elimizdiń naǵyz patriottaryn daiarlaýda. Óz dáýirindegi bilim men adamgershiliktiń jaryq juldyzy, baisaldylyq pen salaýattylyqtyń, adamdardyń ar-uiatynyń simvoly bolǵan Qoja Ahmet Iasaýi babamyz atyndaǵy Halyqaralyq ýniversitettiń rýhani astanamyz – qasietti Túrkistanda shańyraq kóterýi jastar júregine árdaiym qasiet nuryn quiady. Kezinde Elbasymyzdyń halyqqa dástúrli Joldaýyndaǵy «Endigi urpaq – Máńgilik Qazaqtyń Perzenti. Endeshe, Qazaq Eliniń Ulttyq Ideiasy – Máńgilik El!» degen tebirenisti sózderiniń júrekterge uialap, tolqytqany aqiqat. Elbasynyń ideiasymen shańyraq kótergen bilim ordasynyń stýdentterin Máńgilik el ideiasy nurlandyryp, patriottyq sezimderin alaýlata túsýde.
Memleket basshysy baǵdarlamalyq maqalasynyń qorytyndysynda eki dáýir túiisken ólara shaqta Qazaqstanǵa túbegeili jańǵyrý jáne jańa ideialar arqyly bolashaǵyn baiandy ete túsýdiń teńdessiz tarihi múmkindigi berilip otyrǵanyna halyqtyń nazaryn aýdara otyryp, «Men barsha qazaqstandyqtar, ásirese, jas urpaq jańǵyrý jónindegi osynaý usynystardyń mańyzyn tereń túsinedi dep senemin» deidi. Qasietti Túrkistan halqy men bilim ordasynyń stýdentteri Elbasynyń rýhani jańǵyrýǵa baǵyttalǵan tebirenisti oi-tolǵamdary men tujyrymdaryna den qoiǵan. Elbasynyń Máńgilik eldiń altyn arqaýyna ainalǵan baǵdarlamalyq eńbegi ýaqyt ótken saiyn jańa qyrlarymen jarqyrai túsip, jasampaz belesterge bastaýda!
Seidýlla Sadyqov,
filologiia ǵylymdarynyń
doktory
.jpeg)