Qazaqstan Respýblikasynyń Prezidenti Qasym-Jomart Toqaevtyń ókimimen Almaz Sháikenuly Nurazhan Qazaqstan Respýblikasy Ulttyq mýzeiiniń direktory bolyp taǵaiyndaldy. Bul týraly mýzeidiń Feisbýktegi paraqshasynda jariialandy, dep habarlaidy "Ult aqparat".
Almaz Nurazhan - tanymal mádeniettanýshy, sýretshi. 1964 jyly Zaisan qalasynda dúniege kelgen.
1979-1983 jyldary Vasnetsov atyndaǵy Avramtsevo kórkemóner-óndiris ýchilishesinde (Resei), 1987-1992 jyldary T.Júrgenov atyndaǵy teatr jáne kórkemóner institýtynda, 2004-06 jyldary Qazaq quqyq jáne halyqaralyq qatynastar institýtynda bilim aldy.
1992-1996 jyldary Almaty qalasyndaǵy «Alas» kooperativiniń, 1997-1998 jyldary «Balalar men jasóspirimderdiń óner ortalyǵy» qoǵamdyq birlestiginiń direktory boldy. 1998-2000 jyldary QR Sýretshiler odaǵy tóraǵasynyń orynbasary, 2000-2004 jyldary Abai atyńdaǵy QUÝ kórkemóner-grafika fakýlteti sándik-qoldanbaly óner kafedrasynyń meńgerýshisi bolsa, 2004-2007 jyldary «Daryn-Art» JShS kórkemóner-óndiristik kompaniiasynyń, 2007-2009 jyldary Nur-Sultan qalasynda ornalasqan Mádeniet pen ónerdi shyńdaý memlekettik qorynyń direktory qyzmetterin atqardy, 2009 jyly Nur-Sultan qalasyndaǵy «Qazaqstan halqyn rýhani damytý qory» AQ prezidenti laýazymynda jumys istedi.
Pedagogika ǵylymdarynyń kandidaty. QR Sýretshiler odaǵynyń múshesi, QR Kórkemóner akademiiasynyń akademigi.
