Áielder arasyndaǵy Qazaqstan quramasynyń bas bapkeri memlekettiń Ánuranymyz quiqyljyǵanda basqa eldiń bas kiimin kiip turdy. Bul týraly sportsffa.kz saity jazdy.
Keshe túnde fýtboldan Angliia jáne Qazaqstan qyzdary kezdesip, 2019 jylǵy álem chempionatynyń irikteý týrniri aiasynda kezekti oiyndaryn ótkizgen. Osy oiynnan transliatsiia júrgizgen sheteldik telearnalar Qazaqstan quramasynyń bas bapkeri Aitbai Jamantaevty birneshe ret kórsetti.
Bas bapker Ánuranymyz oryndalǵanda, «Russia» degen jazýy bar bas kiimmen turdy. Basqa eshkimde ondai bas kiim bolǵan joq. Tek Aitbai Jamantaevta ǵana. Jaraidy, kie bersin deiik. Basqa bas kiimi joq ta shyǵar. Biraq Ánuran oryndalǵanda ony nege sheship qoimady? Sol túsiniksiz...
Keshkisin bas bapkerdiń osy turysyn sports.kz saity qiyp alyp jariialady. Ony áleýmettik jelige kóshirip basqandar óte kóp boldy. Jankúierlerdiń basym kópshiligi bas bapkerdiń bul qylyǵyn túsine almai dal... Neshe túrli pikir jazǵandar da kóp.
Qazan aiynyń basynda erler arasyndaǵy Qazaqstan ulttyq quramasy Býharestke «Ózbekstan» degen jazýy bar ushaqpen ushyp barǵanda, barlyǵymyz namystanyp edik. Sóitsek, ol munyń janynda túk emes eken ǵoi. Senim artqan bas bapkerimiz, óz ultymyzdyń ókili Angliiada, tórtkil dúnie aldynda osylai uiatqa qaldyrdy.
Endi buǵan Qazaqstan fýtbol federatsiiasy ne deidi eken?! Bul oiynda QFF ókilderi de bolýy tiis edi ǵoi. Álbette árbir quramanyń menedjeri, ákimshiliktik qyzmetkeri bolady. Olar ne qaraǵan?!
Nurǵazy Sasaev
