Osy jyldyń 1 maýsymyndaǵy jaǵdai boiynsha respýblikalyq biýdjetke 8,6 mlrd teńge qaitarylǵan. Bul týraly Parlament Senatynyń otyrysynda Qarjy ministriniń orynbasary Tatiana Saveleva málim etti, dep habarlaidy QazAqparat.
«Ulttyq qorǵa jalpy 4,5 trln teńge tústi. 2019 jyldyń aiaǵyna qarai qordyń aktivteri 27,5 trln teńgege teńesti. Biýdjettiń basymdyqqa ie baǵyttaryn Ulttyq qordyń transfertteri esebinen qarjylandyrý qalypty jaǵdaiǵa ainalyp ketti. Osyǵan bailanysty qordyń jinaqtyq qyzmetin zańnamalyq turǵyda kúsheitý kózdelip otyr», - dedi qarjy vitse-ministri.
Onyń aitýyna qaraǵanda depýtattardyń usynysymen kvazimemlekettik sektordaǵy sýbektterdiń dividenttik saiasaty ózgergen. Biyldan bastap kvazimemlekettik sektordyń sýbektteri 2019 jyldyń qorytyndysy boiynsha respýblikalyq biýdjetke 100 paiyzdyq dividentti qamtamasyz etedi.
«Biýdjet qarajatynyń jumsalýyna baqylaýdy kúsheitý úshin kvazimemlekettik sýbektterdiń esebindegi paidalanylmai qalǵan qarajatty biýdjetke qaitarý boiynsha jumys bastalyp ketti. 1 maýsymdaǵy jaǵdai boiynsha respýblikalyq biýdjetke 8,6 mlrd teńge qaitaryldy», - dedi ol.
