وسى جىلدىڭ 1 ماۋسىمىنداعى جاعداي بويىنشا رەسپۋبليكالىق بيۋدجەتكە 8,6 ملرد تەڭگە قايتارىلعان. بۇل تۋرالى پارلامەنت سەناتىنىڭ وتىرىسىندا قارجى مينيسترٸنٸڭ ورىنباسارى تاتيانا ساۆەلەۆا مەلٸم ەتتٸ, دەپ حابارلايدى قازاقپارات.
«ۇلتتىق قورعا جالپى 4,5 ترلن تەڭگە تٷستٸ. 2019 جىلدىڭ اياعىنا قاراي قوردىڭ اكتيۆتەرٸ 27,5 ترلن تەڭگەگە تەڭەستٸ. بيۋدجەتتٸڭ باسىمدىققا يە باعىتتارىن ۇلتتىق قوردىڭ ترانسفەرتتەرٸ ەسەبٸنەن قارجىلاندىرۋ قالىپتى جاعدايعا اينالىپ كەتتٸ. وسىعان بايلانىستى قوردىڭ جيناقتىق قىزمەتٸن زاڭنامالىق تۇرعىدا كٷشەيتۋ كٶزدەلٸپ وتىر», - دەدٸ قارجى ۆيتسە-مينيسترٸ.
ونىڭ ايتۋىنا قاراعاندا دەپۋتاتتاردىڭ ۇسىنىسىمەن كۆازيمەملەكەتتٸك سەكتورداعى سۋبەكتتەردٸڭ ديۆيدەنتتٸك ساياساتى ٶزگەرگەن. بيىلدان باستاپ كۆازيمەملەكەتتٸك سەكتوردىڭ سۋبەكتتەرٸ 2019 جىلدىڭ قورىتىندىسى بويىنشا رەسپۋبليكالىق بيۋدجەتكە 100 پايىزدىق ديۆيدەنتتٸ قامتاماسىز ەتەدٸ.
«بيۋدجەت قاراجاتىنىڭ جۇمسالۋىنا باقىلاۋدى كٷشەيتۋ ٷشٸن كۆازيمەملەكەتتٸك سۋبەكتتەردٸڭ ەسەبٸندەگٸ پايدالانىلماي قالعان قاراجاتتى بيۋدجەتكە قايتارۋ بويىنشا جۇمىس باستالىپ كەتتٸ. 1 ماۋسىمداعى جاعداي بويىنشا رەسپۋبليكالىق بيۋدجەتكە 8,6 ملرد تەڭگە قايتارىلدى», - دەدٸ ول.
