Aldyn ala málimetter boiynsha, Ulttyq qordyń valiýta aktivteri qazan aiynda 1 mlrd dollarǵa azaiyp, qazan aiynyń sońynda 56,34 mlrd dollardy qurady. Bul týraly Ulttyq bank tóraǵasynyń orynbasary Áliia Moldabekova aitty, dep habarlaidy "Ult aqparat".
Onyń aitýynsha, pandemiianyń ekinshi tolqyny táýekelderiniń iske asyrylýy naryqty qaitadan tómendeý jaǵyna ózgertti. Máselen, MSCI jahandyq aktsiialar indeksi qazanda 3%-ǵa tómendedi. Nátijesinde aǵymdaǵy jylǵy 10 aida jahandyq aktsiialardyń kiristiligi teris jáne (-) 1%-dy quraidy.
«Naryqtaǵy investitsiialyq kiristiń quldyraýyna bailanysty Ulttyq qordyń investitsiialyq kirisi qazanda teris qalyptasyp, (-) $470 mln boldy, onyń ishinde aktsiialar portfeliniń quldyraýy $390 mln-ǵa jýyq boldy. Sońǵy ailardaǵy teris serpinge qaramastan Ulttyq qordyń investitsiialyq kirisiniń jyl basynan bastap oń bolyp qalatynyn jáne shamamen 950 mln bolatynyn atap kórsetken jón», – deidi Áliia Moldabekova.
Biýdjetke kepildi transfertterdi bólý túrinde Qordan alý qazanda 230 mlrd teńge boldy. Osyǵan bailanysty Ulttyq bank Ulttyq qordyń valiýtalyq aktivterin shamamen $534 mln somasyna satty.
