الدىن الا مەلٸمەتتەر بويىنشا, ۇلتتىق قوردىڭ ۆاليۋتا اكتيۆتەرٸ قازان ايىندا 1 ملرد دوللارعا ازايىپ, قازان ايىنىڭ سوڭىندا 56,34 ملرد دوللاردى قۇرادى. بۇل تۋرالى ۇلتتىق بانك تٶراعاسىنىڭ ورىنباسارى ەلييا مولدابەكوۆا ايتتى, دەپ حابارلايدى "ۇلت اقپارات".
ونىڭ ايتۋىنشا, پاندەمييانىڭ ەكٸنشٸ تولقىنى تەۋەكەلدەرٸنٸڭ ٸسكە اسىرىلۋى نارىقتى قايتادان تٶمەندەۋ جاعىنا ٶزگەرتتٸ. مەسەلەن, MSCI جاھاندىق اكتسييالار يندەكسٸ قازاندا 3%-عا تٶمەندەدٸ. نەتيجەسٸندە اعىمداعى جىلعى 10 ايدا جاھاندىق اكتسييالاردىڭ كٸرٸستٸلٸگٸ تەرٸس جەنە (-) 1%-دى قۇرايدى.
«نارىقتاعى ينۆەستيتسييالىق كٸرٸستٸڭ قۇلدىراۋىنا بايلانىستى ۇلتتىق قوردىڭ ينۆەستيتسييالىق كٸرٸسٸ قازاندا تەرٸس قالىپتاسىپ, (-) $470 ملن بولدى, ونىڭ ٸشٸندە اكتسييالار پورتفەلٸنٸڭ قۇلدىراۋى $390 ملن-عا جۋىق بولدى. سوڭعى ايلارداعى تەرٸس سەرپٸنگە قاراماستان ۇلتتىق قوردىڭ ينۆەستيتسييالىق كٸرٸسٸنٸڭ جىل باسىنان باستاپ وڭ بولىپ قالاتىنىن جەنە شامامەن 950 ملن بولاتىنىن اتاپ كٶرسەتكەن جٶن», – دەيدٸ ەلييا مولدابەكوۆا.
بيۋدجەتكە كەپٸلدٸ ترانسفەرتتەردٸ بٶلۋ تٷرٸندە قوردان الۋ قازاندا 230 ملرد تەڭگە بولدى. وسىعان بايلانىستى ۇلتتىق بانك ۇلتتىق قوردىڭ ۆاليۋتالىق اكتيۆتەرٸن شامامەن $534 ملن سوماسىنا ساتتى.
