Foto: primeminister.kz
Qarjy vitse-ministri Dáýren Temirbekov Ulttyq qordan balalardyń arnaýly jinaqtaýshy shotyna nege 150 dollar emes, 100 dollar túskenin túsindirdi, dep habarlaidy Sputnik Qazaqstan saity.
Buǵan deiin Qarjy ministrliginiń esepteýi boiynsha "Ulttyq qor – balalarǵa" jobasy aiasynda balalardyń shotyna 150-160 dollar túsinetini habarlanǵan edi.
"Iá, bizdiń esepteýimiz boiynsha 160 dollar dep aitylǵan edi. Biraq sizder bilesizder, Prezident bul bastama týraly alǵash ret 2022 jyly aitty, tapsyrma berdi. Ol kezde balalardyń sany 6 mln 400 bolatyn. Búginde balalardyń sany – 6 mln 917 myń. Sol esepteýlerge sáikes, búginde bólingen qarajattyń somasy – 695 mln dollar. Ony endi 6 919 131 balaǵa bóletin bolsaq, 100 dollar 52 tsentten shyǵyp tur", - dedi Temirbekov Senat kýlýarynda.
