Byltyr Ulttyq qordan alynǵan qarajat túsken kiristen asyp ketken. Respýblikalyq biýdjettiń atqarylýyn baqylaý jónindegi Esep komitetiniń tóraǵasy Natalia Godýnova Parlamenttiń birlesken otyrysynda mundai tendentsiiaǵa alańdaýshylyq bildirdi, dep habarlaidy QazAqparat.
«2015 jyldan beri Ulttyq qordy belsendi paidalanyp kelemiz. 2019-2020 jyl týraly aityp otyrǵan joqpyz. Shynymen de pandemiiamen bailanysty daǵdarysqa qarsy sharalarǵa qarjy qajet boldy. Biraq 2021 jyly jalpy ahýal aitarlyqtai jaqsardy», - degen komitet basshysy byltyr biýdjet te pandemiia kezindegi inertsiiamen josparlaǵanyn atap ótti.
«Memleket basshysynyń respýblikalyq biýdjet Ulttyq qordyń qarajatyna arqa súiemeýi kerektigi týraly tapsyrmasyna qaramastan, 2021 jyly 4,5 trln teńge jumsaldy. Al bul kezeńde Ulttyq qorǵa 4,3 trln teńge ǵana kiris túsken», - dedi Natalia Godýnova.
Aita keteiik, Parlamenttiń búgingi birlesken otyrysyna Birlesken otyrysqa QR Senat tóraǵasy Máýlen Áshimbaev, Májilis tóraǵasy Erlan Qoshanov, QR Úkimet basshysy Álihan Smaiylov, Respýblikalyq biýdjettiń atqarylýyn baqylaý jónindegi esep komitetiniń tóraǵasy Natalia Godýnova, Úkimet músheleri qatysyp jatyr.
