بىلتىر ۇلتتىق قوردان الىنعان قاراجات تٷسكەن كٸرٸستەن اسىپ كەتكەن. رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ تٶراعاسى ناتاليا گودۋنوۆا پارلامەنتتٸڭ بٸرلەسكەن وتىرىسىندا مۇنداي تەندەنتسيياعا الاڭداۋشىلىق بٸلدٸردٸ, دەپ حابارلايدى قازاقپارات.
«2015 جىلدان بەرٸ ۇلتتىق قوردى بەلسەندٸ پايدالانىپ كەلەمٸز. 2019-2020 جىل تۋرالى ايتىپ وتىرعان جوقپىز. شىنىمەن دە پاندەمييامەن بايلانىستى داعدارىسقا قارسى شارالارعا قارجى قاجەت بولدى. بٸراق 2021 جىلى جالپى احۋال ايتارلىقتاي جاقساردى», - دەگەن كوميتەت باسشىسى بىلتىر بيۋدجەت تە پاندەمييا كەزٸندەگٸ ينەرتسييامەن جوسپارلاعانىن اتاپ ٶتتٸ.
«مەملەكەت باسشىسىنىڭ رەسپۋبليكالىق بيۋدجەت ۇلتتىق قوردىڭ قاراجاتىنا ارقا سٷيەمەۋٸ كەرەكتٸگٸ تۋرالى تاپسىرماسىنا قاراماستان, 2021 جىلى 4,5 ترلن تەڭگە جۇمسالدى. ال بۇل كەزەڭدە ۇلتتىق قورعا 4,3 ترلن تەڭگە عانا كٸرٸس تٷسكەن», - دەدٸ ناتاليا گودۋنوۆا.
ايتا كەتەيٸك, پارلامەنتتٸڭ بٷگٸنگٸ بٸرلەسكەن وتىرىسىنا بٸرلەسكەن وتىرىسقا قر سەنات تٶراعاسى مەۋلەن ەشٸمباەۆ, مەجٸلٸس تٶراعاسى ەرلان قوشانوۆ, قر ٷكٸمەت باسشىسى ەليحان سمايىلوۆ, رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ تٶراعاسى ناتاليا گودۋنوۆا, ٷكٸمەت مٷشەلەرٸ قاتىسىپ جاتىر.
