Memleket basshysy Qasym-Jomart Toqaev Ulttyq qordan respýblikalyq biýdjetke transfert kólemi artqanyn jáne shikizattyq emes kiris kózderin izdeý qajettigin aitty, dep habarlaidy QazAqparat.
«Búginde Ulttyq qor jinaqtaý rejiminen tutyný rejimine ótti. Jyl saiyn Ulttyq qordan respýblikalyq biýdjetke transfert kólemi ósip keledi. 2020 jyly ol biýdjet kirisiniń 40%-yn qurady. Biyl bul kórsetkish 36% bolady», - dedi Toqaev.
Prezident memlekettik mindettemeler kólemi ósip jatqanyn eske saldy – daǵdarys kezinde bul sózsiz bolady. Orta merzimdi perspektivada shikizattyq emes kiris kózderin izdeý qajet.
«Qazirgi ýaqytta eksporttyq kedendik bajdar tek munai men munai ónimderine ǵana belgilengen. Birqatar basqa shikizat pen aralyq taýarlarǵa baǵa koniýnktýrasy jaqsardy. Úkimetke eksporttyq kedendik bajdar qoldanylýy múmkin taýarlardyń tizbesin keńeitý múmkindigin taldaý tapsyrylady. Bul ishki naryqqa jetkizilimderdi yntalandyrýy múmkin. Iaǵni qurylys materialdarynyń baǵasy máselesin, óńdeý ónerkásibin qoljetimdi shikizatpen júkteý máselesin sheshýge kómektesedi. Usynystar men esepterińizdi daiyndańyzdar, sodan keiin naqty sheshim qabyldanady», - dedi Qasym-Jomart Toqaev.
