مەملەكەت باسشىسى قاسىم-جومارت توقاەۆ ۇلتتىق قوردان رەسپۋبليكالىق بيۋدجەتكە ترانسفەرت كٶلەمٸ ارتقانىن جەنە شيكٸزاتتىق ەمەس كٸرٸس كٶزدەرٸن ٸزدەۋ قاجەتتٸگٸن ايتتى, دەپ حابارلايدى قازاقپارات.
«بٷگٸندە ۇلتتىق قور جيناقتاۋ رەجيمٸنەن تۇتىنۋ رەجيمٸنە ٶتتٸ. جىل سايىن ۇلتتىق قوردان رەسپۋبليكالىق بيۋدجەتكە ترانسفەرت كٶلەمٸ ٶسٸپ كەلەدٸ. 2020 جىلى ول بيۋدجەت كٸرٸسٸنٸڭ 40%-ىن قۇرادى. بيىل بۇل كٶرسەتكٸش 36% بولادى», - دەدٸ توقاەۆ.
پرەزيدەنت مەملەكەتتٸك مٸندەتتەمەلەر كٶلەمٸ ٶسٸپ جاتقانىن ەسكە سالدى – داعدارىس كەزٸندە بۇل سٶزسٸز بولادى. ورتا مەرزٸمدٸ پەرسپەكتيۆادا شيكٸزاتتىق ەمەس كٸرٸس كٶزدەرٸن ٸزدەۋ قاجەت.
«قازٸرگٸ ۋاقىتتا ەكسپورتتىق كەدەندٸك باجدار تەك مۇناي مەن مۇناي ٶنٸمدەرٸنە عانا بەلگٸلەنگەن. بٸرقاتار باسقا شيكٸزات پەن ارالىق تاۋارلارعا باعا كونيۋنكتۋراسى جاقساردى. ٷكٸمەتكە ەكسپورتتىق كەدەندٸك باجدار قولدانىلۋى مٷمكٸن تاۋارلاردىڭ تٸزبەسٸن كەڭەيتۋ مٷمكٸندٸگٸن تالداۋ تاپسىرىلادى. بۇل ٸشكٸ نارىققا جەتكٸزٸلٸمدەردٸ ىنتالاندىرۋى مٷمكٸن. ياعني قۇرىلىس ماتەريالدارىنىڭ باعاسى مەسەلەسٸن, ٶڭدەۋ ٶنەركەسٸبٸن قولجەتٸمدٸ شيكٸزاتپەن جٷكتەۋ مەسەلەسٸن شەشۋگە كٶمەكتەسەدٸ. ۇسىنىستار مەن ەسەپتەرٸڭٸزدٸ دايىنداڭىزدار, سودان كەيٸن ناقتى شەشٸم قابىلدانادى», - دەدٸ قاسىم-جومارت توقاەۆ.
