Foto: ©️ Tengrinews.kz / Turar Qazanǵapov
Qarjy ministrligi qandastar men sheteldik azamattardyń balalary qandai jaǵdaida Ulttyq qordan tólem ala alatynyn túsindirdi, - dep habarlaidy Tengrinews.kz.
2024 jyldyń 1 aqpanynan bastap Biryńǵai jinaqtaýshy zeinetaqy qory baǵdarlamaǵa qatysýshy jáne Qazaqstan azamattyǵyn alǵan 18 jasqa deiingi barlyq balaǵa qarajat bóletini belgili boldy.
"Eger balalar Qazaqstannan tys jerde dúniege kelse jáne bul rette Qazaqstan azamattyǵy bolsa nemese balalar Qazaqstan azamattyǵyn alǵan, biraq elden tys turaqty turýǵa kóship ketse, mundai jaǵdaida bul balalardyń barlyǵy Ulttyq qordan qarajat alady. Basqa elden kelgen nemese qandas mártebesine ie bolǵan, tarihi otanyna oralǵan adamdarǵa Qazaqstan azamattyǵyna qabyldanǵan nemese Qazaqstan azamattyǵyn alǵan kezden bastap aqshalai qarajat esepteledi", - dedi Ulttyq qordyń biýdjettik nesielendirý jáne qarjy sektory máseleleri jónindegi ózara is-qimyl departamentiniń direktory Aibol Arǵynǵazinov.
