«Samuryq-Qazyna» Ulttyq ál-aýqat qory» AQ-nyń kompaniialar toby «Tsifrly jaz» atty taǵylymdamadan ótý baǵdarlamasynyń ekinshi tolqynyn iske qosty. Baǵdarlamanyń arqasynda qazaqstandyq joǵarǵy oqý oryndarynyń stýdentteri Qordyń kompaniialar tobynda tájiribeden óte alady, dep habarlaidy «Ult aqparat» kompaniianyń baspasóz qyzmetine silteme jasai otyryp.
Aita keteiik, byltyr baǵdarlama boiynsha 72 jas maman taǵylymdamany sátti aiaqtap, olardyń arasynda 33 adam jumysqa ornalasqan.
Al, biyl «Tsifrly jaz» baǵdarlamasynyń jańa kezeńinde biraz ógerister bar. Bul týraly búgingi brifingte «Samuryq-Qazyna» AQ-nyń tsifrlandyrý jáne transformatsiialaý jónindegi basqarýshy direktory Dáýren Kereibaev málim etti.
«Tsifrly jaz» baǵdarlamasy taǵylymdamadan ótý úshin ǵana adam jinaýdy maqsat tutpaidy. «Samuryq-Qazyna» ál-aýqat qory» AQ-nyń kompaniialar toby sapaly kadrlardy tabýdy kózdeitindikten, biyl baǵdarlamaǵa qatysamyn deýshilerge qoiylatyn talapty ózgerttik. Endi stýdentter Qordyń kompaniialar tobynda taǵylymdamadan ótý úshin 4 kezeńdi irikteýden óteýi kerek», - dep atap ótti Dáýren Kereibaev.
Jańa talaptarǵa sai, baǵdarlamaǵa bakalavrdyń úshinshi-tórtinshi kýrs stýdentteri men magistratýradaǵy birinshi-ekinshi kýrs stýdentter qatysa alady. Sondai-aq, biyl irikteý tórt kezeńnen turady. Birinshi kezeńde stýdentter tirkelip, onlain túrde IT test tapsyrady, ekinshi kezekte óz salalary boiynsha IT tapsyrmalar oryndasa, úshinshi kezeńde qabiletteriniń deńgeiin kórsetetin test tapsyryp, tórtinshi kezeńde quzyrettilikterine qatysty suhbattan ótedi. Eń basty talap árine IT salasyna degen qyzyǵýshylyq pen Qordyń kompaniialar tobyndaǵy IT salany damytýǵa úles qosamyn degen niet.
Taǵdylymdamadan ótý úshin kásibi tájiribeniń bolýy mindetti emes. Eń bastysy, jobalyq basqarý, programmalaý, aqparattyq júieler men infraqurylymdardy, qosymshalardy basqarý, aqparattyq qaýipsizdik printsipterin bilýi shart.
Al, 2019-2020 jyldardaǵy bakalavr jáne magistratýra túlekteri «Tsirfly jaz» baǵdarlamasy boiynsha taǵylymdamadan ótýi úshin baǵdarlamanyń resmi saitynda http://digital-summer.sk.kz tirkelýi kerek.
Baǵdarlamaǵa qatysý úshin ótinishter 2019 jyldyń 7 sáýirine deiin qabyldanady. Taǵylymdamanyń ózi 2019 jyldyń 17 maýsymy men 29 tamyzy aralyǵynda Astana, Almaty, Óskemen, Pavlodar, Atyraý qalalarynda ótpek. Stýdentter baǵdarlamanyń resmi saitynda tirkelgen soń, 20 suraqtan turatyn alǵashqy test tapsyrady. Jaqsy nátije kórsetken stýdentter Qor ókilderimen ótetin suhbatqa shaqyrylyp, ony sátti ótkizgender tiisinshe taǵylymdamadan ótýge joldama alady. Biyl taǵylymdamaǵa qatysýshylarǵa jalaqy tólenbek.
Qordyń álemdik IT mamandarmen birlese otyryp ázirlegen oqytý baǵdarlamasy stýdentter úshin básekege qabiletti ortada ozyq tájiribe jinap, SAP, Microsoft, Oracle, Cisco, HP, IBM, Huawei siiaqty kompaniialardyń ónimderimen tájiribede tanysýǵa múmkindik beredi.
Esterińizge sala keteiik, «Tsifrly jaz» baǵdarlamasy 2018 jyly bastalǵan. «Samuryq-Qazyna» AQ-nyń 2018 jylǵy qyzmetine arnalǵan baspasóz konferentsiiasynda Qordyń Basqarma tóraǵasy Ahmetjan Esimov qordyń shtatyna jas ári talantty mamandardy tartýǵa múmkindik bergen «Tsifrly jaz-2018» baǵdarlamasyn oń baǵalaǵan bolatyn.
