«سامۇرىق-قازىنا» ۇلتتىق ەل-اۋقات قورى» اق-نىڭ كومپانييالار توبى «تسيفرلى جاز» اتتى تاعىلىمدامادان ٶتۋ باعدارلاماسىنىڭ ەكٸنشٸ تولقىنىن ٸسكە قوستى. باعدارلامانىڭ ارقاسىندا قازاقستاندىق جوعارعى وقۋ ورىندارىنىڭ ستۋدەنتتەرٸ قوردىڭ كومپانييالار توبىندا تەجٸريبەدەن ٶتە الادى, دەپ حابارلايدى «ۇلت اقپارات» كومپانييانىڭ باسپاسٶز قىزمەتٸنە سٸلتەمە جاساي وتىرىپ.
ايتا كەتەيٸك, بىلتىر باعدارلاما بويىنشا 72 جاس مامان تاعىلىمدامانى سەتتٸ اياقتاپ, ولاردىڭ اراسىندا 33 ادام جۇمىسقا ورنالاسقان.
ال, بيىل «تسيفرلى جاز» باعدارلاماسىنىڭ جاڭا كەزەڭٸندە بٸراز ٶگەرٸستەر بار. بۇل تۋرالى بٷگٸنگٸ بريفينگتە «سامۇرىق-قازىنا» اق-نىڭ تسيفرلاندىرۋ جەنە ترانسفورماتسييالاۋ جٶنٸندەگٸ باسقارۋشى ديرەكتورى دەۋرەن كەرەيباەۆ مەلٸم ەتتٸ.
«تسيفرلى جاز» باعدارلاماسى تاعىلىمدامادان ٶتۋ ٷشٸن عانا ادام جيناۋدى ماقسات تۇتپايدى. «سامۇرىق-قازىنا» ەل-اۋقات قورى» اق-نىڭ كومپانييالار توبى ساپالى كادرلاردى تابۋدى كٶزدەيتٸندٸكتەن, بيىل باعدارلاماعا قاتىسامىن دەۋشٸلەرگە قويىلاتىن تالاپتى ٶزگەرتتٸك. ەندٸ ستۋدەنتتەر قوردىڭ كومپانييالار توبىندا تاعىلىمدامادان ٶتۋ ٷشٸن 4 كەزەڭدٸ ٸرٸكتەۋدەن ٶتەۋٸ كەرەك», - دەپ اتاپ ٶتتٸ دەۋرەن كەرەيباەۆ.
جاڭا تالاپتارعا ساي, باعدارلاماعا باكالاۆردىڭ ٷشٸنشٸ-تٶرتٸنشٸ كۋرس ستۋدەنتتەرٸ مەن ماگيستراتۋراداعى بٸرٸنشٸ-ەكٸنشٸ كۋرس ستۋدەنتتەر قاتىسا الادى. سونداي-اق, بيىل ٸرٸكتەۋ تٶرت كەزەڭنەن تۇرادى. بٸرٸنشٸ كەزەڭدە ستۋدەنتتەر تٸركەلٸپ, ونلاين تٷردە IT تەست تاپسىرادى, ەكٸنشٸ كەزەكتە ٶز سالالارى بويىنشا IT تاپسىرمالار ورىنداسا, ٷشٸنشٸ كەزەڭدە قابٸلەتتەرٸنٸڭ دەڭگەيٸن كٶرسەتەتٸن تەست تاپسىرىپ, تٶرتٸنشٸ كەزەڭدە قۇزىرەتتٸلٸكتەرٸنە قاتىستى سۇحباتتان ٶتەدٸ. ەڭ باستى تالاپ ەرينە ٸت سالاسىنا دەگەن قىزىعۋشىلىق پەن قوردىڭ كومپانييالار توبىنداعى ٸت سالانى دامىتۋعا ٷلەس قوسامىن دەگەن نيەت.
تاعدىلىمدامادان ٶتۋ ٷشٸن كەسٸبي تەجٸريبەنٸڭ بولۋى مٸندەتتٸ ەمەس. ەڭ باستىسى, جوبالىق باسقارۋ, پروگراممالاۋ, اقپاراتتىق جٷيەلەر مەن ينفراقۇرىلىمداردى, قوسىمشالاردى باسقارۋ, اقپاراتتىق قاۋٸپسٸزدٸك پرينتسيپتەرٸن بٸلۋٸ شارت.
ال, 2019-2020 جىلدارداعى باكالاۆر جەنە ماگيستراتۋرا تٷلەكتەرٸ «تسيرفلى جاز» باعدارلاماسى بويىنشا تاعىلىمدامادان ٶتۋٸ ٷشٸن باعدارلامانىڭ رەسمي سايتىندا http://digital-summer.sk.kz تٸركەلۋٸ كەرەك.
باعدارلاماعا قاتىسۋ ٷشٸن ٶتٸنٸشتەر 2019 جىلدىڭ 7 سەۋٸرٸنە دەيٸن قابىلدانادى. تاعىلىمدامانىڭ ٶزٸ 2019 جىلدىڭ 17 ماۋسىمى مەن 29 تامىزى ارالىعىندا استانا, الماتى, ٶسكەمەن, پاۆلودار, اتىراۋ قالالارىندا ٶتپەك. ستۋدەنتتەر باعدارلامانىڭ رەسمي سايتىندا تٸركەلگەن سوڭ, 20 سۇراقتان تۇراتىن العاشقى تەست تاپسىرادى. جاقسى نەتيجە كٶرسەتكەن ستۋدەنتتەر قور ٶكٸلدەرٸمەن ٶتەتٸن سۇحباتقا شاقىرىلىپ, ونى سەتتٸ ٶتكٸزگەندەر تيٸسٸنشە تاعىلىمدامادان ٶتۋگە جولداما الادى. بيىل تاعىلىمداماعا قاتىسۋشىلارعا جالاقى تٶلەنبەك.
قوردىڭ ەلەمدٸك IT ماماندارمەن بٸرلەسە وتىرىپ ەزٸرلەگەن وقىتۋ باعدارلاماسى ستۋدەنتتەر ٷشٸن بەسەكەگە قابٸلەتتٸ ورتادا وزىق تەجٸريبە جيناپ, SAP, Microsoft, Oracle, Cisco, HP, IBM, Huawei سيياقتى كومپانييالاردىڭ ٶنٸمدەرٸمەن تەجٸريبەدە تانىسۋعا مٷمكٸندٸك بەرەدٸ.
ەستەرٸڭٸزگە سالا كەتەيٸك, «تسيفرلى جاز» باعدارلاماسى 2018 جىلى باستالعان. «سامۇرىق-قازىنا» اق-نىڭ 2018 جىلعى قىزمەتٸنە ارنالعان باسپاسٶز كونفەرەنتسيياسىندا قوردىڭ باسقارما تٶراعاسى احمەتجان ەسٸموۆ قوردىڭ شتاتىنا جاس ەرٸ تالانتتى مامانداردى تارتۋعا مٷمكٸندٸك بەرگەن «تسيفرلى جاز-2018» باعدارلاماسىن وڭ باعالاعان بولاتىن.
