Respýblikalyq biýdjettiń atqarylýyn baqylaý jónindegi esep komiteti 2021 jylǵa arnalǵan aýditorlyq is-sharalar josparyn jariia etti, dep habarlaidy "Ult aqparat".
Esep komitetiniń baspasóz qyzmeti taratqan aqparatqa sáikes, kvazimemlekettik sektorda «Qazatomónerkásip» ulttyq atom kompaniiasy» AQ, «Birikken himiialyq kompaniia» JShS, «Samruk-Kazyna Construction» AQ, «Taý-Ken Samuryq» ulttyq taý-ken kompaniiasy» AQ, «Qazposhta» AQ, «QazMunaiGaz» ulttyq kompaniiasy» AQ jáne olardyń enshiles uiymdarynda aktivteriniń basqarylý tiimdiligine memlekettik aýdit júrgiziledi. Qyzylorda, Batys Qazaqstan, Túrkistan, Almaty, Jambyl oblystarynda biýdjet qarajatynyń paidalanylý tiimdiligine keshendi aýdit júrgizý qolǵa alynady.
Respýblikalyq biýdjettiń shoǵyrlandyrylǵan qarjylyq eseptiligine aýdit júrgizýde biyl ótedi. QR Prezidenti Is basqarmasy, Syrtqy ister ministrligi qyzmetiniń tiimdiligine aýdit júrgiziletin bolady. Sonymen qatar infraqurylymdy damytýdyń 2015-2019 jyldarǵa arnalǵan «Nurly jol», «Tsifrlyq Qazaqstan» jekelegen memlekettik baǵdarlamalarynyń iske asyrylýyn baǵalaý ótkiziledi.
Qazaqstan Respýblikasynyń Eýraziialyq ekonomikalyq odaq aiasynda jekelegen kelisimderdi oryndaýy boiynsha halyqaralyq aýditter de júrgiziledi.
