«Ulttyq kinony qoldaý ortalyǵy» Kommertsiialyq emes aktsionerlik qoǵamynyń Basqarma tóraǵasy qyzmetine Andrei Hazbýlatov taǵaiyndaldy. Bul týraly QR Mádeniet jáne sport ministri Arystanbek Muhamediuly Facebook paraqshasynda jazdy, dep habarlaidy "Ult aqparat".
«Dostarym, búgin menin buiryǵymen «Ulttyq kinony qoldaý ortalyǵy» Kommertsiialyq emes aktsionerlik qoǵamynyń Basqarma Tóraǵasy bolyp Andrei Hazbýlatov taǵaiyndaldy. Andrei Hazbýlatov - filosofiia doktory (PhD), qaýymdastyrylǵan professor, 2050 jylǵa deiingi QR Mádeni saiasaty tujyrymdamasy, «Kino týraly» QR Zańynyń ázirleýshi avtorlardyń biri», - dep jazdy ministr.
Túrli jyldary ol T. Júrgenov atyndaǵy Qazaq ulttyq óner akademiiasynyń ustazy, prorektory, QR Mádeniet jáne sport ministrliginiń «Qazaqstan halqynyń rýhani damý qory» AQ-nyń prezidenti, Qazaq ǵylymi-zertteý mádeniet institýtynyń bas direktory qyzmetterin atqardy.
Ádebiet pen óner qairatkerleri Memlekettik stipendiiasynyń iegeri, Ulttyq ǵylymi keńestiń múshesi, ǵylym men tehnika salasyndaǵy úzdik jetistikteri úshin Qazaqstan Respýblikasynyń Tuńǵysh Prezidenti - Elbasy Qory syilyǵynyń laýreaty, Qazaqstannyń eńbek sińirgen qairatkeri, Qazaqstan Respýblikasynyń IýNESKO jáne ISESKO jónindegi Ulttyq Komissiiasynyń múshesi.
Mádeniet jáne óner salasyndaǵy otandyq jáne sheteldik jobalardyń ǵylymi jáne kórkemdik jetekshisi. 50-den asa ǵylymi basylymdar men 2 monografiianyń avtory.
