Ulttyq kinony qoldaý memlekettik ortalyǵynyń basshysy tergeýge alyndy. Bul týraly QR Sybailas jemqorlyqqa qarsy is-qimyl agenttigi 1-shi departamentiniń asa mańyzdy ister jónindegi tergeýshisi Daniiar Biǵaidarov aitty, dep habarlaidy "Ult aqparat".
«Sybailas jemqorlyqqa qarsy qyzmet memlekettik biýdjetten qarjy bólýge, oryndalǵan jumystardyń (kórsetilgen qyzmet) aktilerine qol qoiýǵa kómekteskeni úshin asa iri mólsherde para alý faktisi boiynsha, sondai-aq jalpy qamqorlyǵy pen salǵyrttyǵy úshin «Ulttyq kinony qoldaý memlekettik ortalyǵy» KEAQ Basqarma tóraǵasyna qatysty sotqa deiingi tergeý júrgizýde», - dedi ol agenttik alańynda ótken onlain brifing barysynda.
Onyń atap ótýinshe, kúdikti kinásiniń deńgeii týraly túpkilikti sheshimdi sot shyǵarady.
«Tergeý múddeleri úshin basqa aqparat jariia etýge jatpaidy», - dedi Daniiar Biǵaidarov.
