ۇلتتىق كينونى قولداۋ مەملەكەتتٸك ورتالىعىنىڭ باسشىسى تەرگەۋگە الىندى. بۇل تۋرالى قر سىبايلاس جەمقورلىققا قارسى ٸس-قيمىل اگەنتتٸگٸ 1-شٸ دەپارتامەنتٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بيعايداروۆ ايتتى, دەپ حابارلايدى "ۇلت اقپارات".
«سىبايلاس جەمقورلىققا قارسى قىزمەت مەملەكەتتٸك بيۋدجەتتەن قارجى بٶلۋگە, ورىندالعان جۇمىستاردىڭ (كٶرسەتٸلگەن قىزمەت) اكتٸلەرٸنە قول قويۋعا كٶمەكتەسكەنٸ ٷشٸن اسا ٸرٸ مٶلشەردە پارا الۋ فاكتٸسٸ بويىنشا, سونداي-اق جالپى قامقورلىعى پەن سالعىرتتىعى ٷشٸن «ۇلتتىق كينونى قولداۋ مەملەكەتتٸك ورتالىعى» كەاق باسقارما تٶراعاسىنا قاتىستى سوتقا دەيٸنگٸ تەرگەۋ جٷرگٸزۋدە», - دەدٸ ول اگەنتتٸك الاڭىندا ٶتكەن ونلاين بريفينگ بارىسىندا.
ونىڭ اتاپ ٶتۋٸنشە, كٷدٸكتٸ كٸنەسٸنٸڭ دەڭگەيٸ تۋرالى تٷپكٸلٸكتٸ شەشٸمدٸ سوت شىعارادى.
«تەرگەۋ مٷددەلەرٸ ٷشٸن باسقا اقپارات جارييا ەتۋگە جاتپايدى», - دەدٸ دانييار بيعايداروۆ.
