QR Prezidenti janyndaǵy Qazaqstan strategiialyq zertteýler institýty Ulttyq keńes týraly basylym daiyndady, dep habarlaidy "Ult aqparat".
Qazaqstan Respýblikasy Prezidenti janyndaǵy Qazaqstan strategiialyq zertteýler institýty (KAZISS) «Qazaqstan Respýblikasy Prezidentiniń janyndaǵy Ulttyq qoǵamdyq senim keńesin qurý týraly» Qazaqstan Respýblikasy Prezidentiniń Jarlyǵyna qol qoiylǵanyna bir jyl tolýyna orailastyryp «ULTTYQ KEŃES: Hronikasy. Erekshelikteri. Nátijeleri» atty basylymyn daiyndady.
Memleket basshysy Q.K.Toqaev bul Jarlyqqa 2019 jylǵy 12 maýsymda elimizdegi eń joǵarǵy sanalatyn - Qazaqstan Respýblikasynyń Prezidenti laýazymyna resmi qabyldanǵan kúni qol qoiǵany belgili. Ulttyq qoǵamdyq senim keńesinqurý Prezident Q.K.Toqaevtyń óziniń sailaýaldy ýádelerin tiimdi qoǵamdyq dialog qalyptastyrý bóligindegi oryndaýynyń aiqyn dáleli, sondai-aq Prezidenttiń «halyq únine qulaq asatyn memleket» tujyrymdamasynyń damýynyń jolashary boldy.
«ULTTYQ KEŃES: Hronikasy. Erekshelikteri. Nátijeleri» kitaby quramyna ekonomika, adam quqyqtaryn qorǵaý salalaryndaǵy tanymal sarapshylar, sondai-aq úkimettik emes uiymdar ókilderi men mádeniet qairatkerleri kiretin mańyzdy konsýltativtik-keńesshi organ retinde tanyta bilgen Ulttyq qoǵamdyq senim keńesi jumysynyń birinshi jylynyń nátijelerine arnalady.
Kitapta memleket pen qoǵam dialogynyń qalyptasýy men institýttandyrýynyń álemdik tájiribesi kórsetilgen. Azamattardy sheshim qabyldaý úderisine tartý boiynsha Ulybritaniia, Kanada, Frantsiia jáne Reseide óz tiimdiligin dáleldegen suhbattasý alańdary mysal retinde qarastyrylady.
Qazaqstandaǵy ártúrli konsýltativtik-keńesshi organdar qyzmetiniń ótkenine sholý jasai otyryp, taldaý júrgizildi. Avtorlardyń aitýynsha, saiasi qozǵalystar men partiialardyń, qoǵam qairatkerleriniń memlekettik organdarmen ózara is-qimyl júiesi turaqty qozǵalysta bolyp, ózekti kún tártibine jaýap beredi. Qoǵam men bilik arasyndaǵy dialogty institýttandyrý úderisinde Ulttyq qoǵamdyq senim keńesinqurý túbegeili jańa sipatqa ie.
Basylymda usynylǵan materialdardyń kóp bóligi Memleket basshysy Q.K.Toqaevtyń tóraǵalyǵymen bir jyl ishinde úsh keńes otyrysy ótken tikelei UQSK-niń qyzmetine arnalǵan. Keńes otyrystary barysynda aitylǵan bastamalar, sondai-aq áleýmettik qamtamasyz etý, ekonomikalyq reforma, adam kapitalynyń deńgeiin kóterý, memlekettiń basqarý júiesin reformalaý jáne basqa da qoǵamdyq mańyzdy máselelerge qatysty qabyldanǵan reformalar legi kitapta kórinis tapty.
Basylymnyń redaktsiialyq alqasynyń tóraǵasy, QSZI direktory Zarema Sháýkenova avtorlyq ujymnyń atynan Prezident keńesshisi – Ulttyq qoǵamdyq senim keńesiniń hatshysy E.T.Qaringe kitapty daiyndaý týraly ideiasy úshin jáne ony iske asyrýda Qazaqstan Respýblikasy Prezidenti janyndaǵy Qazaqstan strategiialyq zertteýler institýtyna senim artqany úshin alǵys bildiredi.
Institýt basshylyǵy habarlaǵandai, Qazaqstan Respýblikasy Prezidenti janyndaǵy QSZI «ULTTYQ KEŃES: Hronikasy. Erekshelikteri. Nátijeleri» kitabynyń tusaýkeserin aldaǵy ýaqytta UQSK músheleriniń, sarapshylar qaýymdastyǵynyń, azamattyq qoǵam men BAQ ókilderiniń qatysýymen Institýt qabyrǵasynda mindetti túrde ótkiziledi.
.jpeg)