Óskemende Ulttyq qaýipsizdik komitetiniń qyzmetkerleri eki prokýrordy kásipkerden 50 million teńge kóleminde aqsha alyp jatqan jerinen ustady, – dep habarlaidy "Ult aqparat".
UQK ustaý operatsiiasyn 2019 jyldyń 10 jeltoqsanynda Bas prokýratýranyń ishki tergeý departamentimen birlesip júrgizgen.
«Shyǵys Qazaqstan oblysynyń Óskemen qalasynda kásipkerden 50 million teńge mólsherindegi aqshalai qarajatty qorqytyp alý kezinde QR Bas kólik prokýratýrasy qylmystyq qýdalaý basqarmasynyń aǵa prokýrory Áljappar Qutanov pen ShQO prokýratýrasy qoǵam múddelerin qorǵaý basqarmasy bastyǵynyń orynbasary Aidos Ramazanov qylmys ústinde ustaldy» dep jazylǵan UQK baspasóz qyzmeti taratqan aqparatta.
Ustalǵandarǵa qatysty Qazaqstan Respýblikasy Qylmystyq kodeksiniń 194-baby 4-bóligi 2-t. («Qorqytyp alýshylyq») boiynsha sotqa deiingi tergeý jalǵasyp jatyr.
