ٶسكەمەندە ۇلتتىق قاۋٸپسٸزدٸك كوميتەتٸنٸڭ قىزمەتكەرلەرٸ ەكٸ پروكۋروردى كەسٸپكەردەن 50 ميلليون تەڭگە كٶلەمٸندە اقشا الىپ جاتقان جەرٸنەن ۇستادى, – دەپ حابارلايدى "ۇلت اقپارات".
ۇقك ۇستاۋ وپەراتسيياسىن 2019 جىلدىڭ 10 جەلتوقسانىندا باس پروكۋراتۋرانىڭ ٸشكٸ تەرگەۋ دەپارتامەنتٸمەن بٸرلەسٸپ جٷرگٸزگەن.
«شىعىس قازاقستان وبلىسىنىڭ ٶسكەمەن قالاسىندا كەسٸپكەردەن 50 ميلليون تەڭگە مٶلشەرٸندەگٸ اقشالاي قاراجاتتى قورقىتىپ الۋ كەزٸندە قر باس كٶلٸك پروكۋراتۋراسى قىلمىستىق قۋدالاۋ باسقارماسىنىڭ اعا پروكۋرورى ەلجاپپار قۇتانوۆ پەن شقو پروكۋراتۋراسى قوعام مٷددەلەرٸن قورعاۋ باسقارماسى باستىعىنىڭ ورىنباسارى ايدوس رامازانوۆ قىلمىس ٷستٸندە ۇستالدى» دەپ جازىلعان ۇقك باسپاسٶز قىزمەتٸ تاراتقان اقپاراتتا.
ۇستالعاندارعا قاتىستى قازاقستان رەسپۋبليكاسى قىلمىستىق كودەكسٸنٸڭ 194-بابى 4-بٶلٸگٸ 2-ت. («قورقىتىپ الۋشىلىق») بويىنشا سوتقا دەيٸنگٸ تەرگەۋ جالعاسىپ جاتىر.
