Jańadan taǵaiyndalǵan ulttyq ekonomika ministri Timýr Súleimenov Máskeýde jumys istep júrgende umyt bolǵan qazaq tilin qaita úirenýge ýáde berdi, - dep habarlaidy sputniknews.kz.
"Máskeýde bes jyl boiy qyzmet etip, týǵan tilimdi umytyp qaldym. Biraq alty ai ishinde úirenip alamyn", — dedi Súleimenov tilshilerge sársenbi kúni májilis otyrysynan soń.
Ol, sonymen birge, ministr úshin salystyrmaly túrde áli jas ekendigi týraly oiyn bildirdi, biyl Timýr Súleimenov 39 jasqa tolady.
"Men ózimdi jas dep sanamaimyn. Biraq Dúniejúzilik densaýlyq saqtaý uiymy jastyqtyń shegin 50 jasqa deiin keńeitti emes pe. Bulai esepteitin bolsaq, búkil ministrler kabineti jap-jas bolyp shyǵa keledi. 22 jasynda mamandyqty igergen azamattyń men siiaqty 39-ǵa kelgende 17-18 jyl jumys tájiribesi bolady, sol sebepti ondai mamandy jas dep ataýǵa aýzyń barmaidy", — dedi ol.
Ult portaly
