جاڭادان تاعايىندالعان ۇلتتىق ەكونوميكا مينيسترٸ تيمۋر سٷلەيمەنوۆ مەسكەۋدە جۇمىس ٸستەپ جٷرگەندە ۇمىت بولعان قازاق تٸلٸن قايتا ٷيرەنۋگە ۋەدە بەردٸ, - دەپ حابارلايدى sputniknews.kz.
"مەسكەۋدە بەس جىل بويى قىزمەت ەتٸپ, تۋعان تٸلٸمدٸ ۇمىتىپ قالدىم. بٸراق التى اي ٸشٸندە ٷيرەنٸپ الامىن", — دەدٸ سٷلەيمەنوۆ تٸلشٸلەرگە سەرسەنبٸ كٷنٸ مەجٸلٸس وتىرىسىنان سوڭ.
ول, سونىمەن بٸرگە, مينيستر ٷشٸن سالىستىرمالى تٷردە ەلٸ جاس ەكەندٸگٸ تۋرالى ويىن بٸلدٸردٸ, بيىل تيمۋر سٷلەيمەنوۆ 39 جاسقا تولادى.
"مەن ٶزٸمدٸ جاس دەپ سانامايمىن. بٸراق دٷنيەجٷزٸلٸك دەنساۋلىق ساقتاۋ ۇيىمى جاستىقتىڭ شەگٸن 50 جاسقا دەيٸن كەڭەيتتٸ ەمەس پە. بۇلاي ەسەپتەيتٸن بولساق, بٷكٸل مينيسترلەر كابينەتٸ جاپ-جاس بولىپ شىعا كەلەدٸ. 22 جاسىندا ماماندىقتى يگەرگەن ازاماتتىڭ مەن سيياقتى 39-عا كەلگەندە 17-18 جىل جۇمىس تەجٸريبەسٸ بولادى, سول سەبەپتٸ ونداي ماماندى جاس دەپ اتاۋعا اۋزىڭ بارمايدى", — دەدٸ ول.
ۇلت پورتالى
