Ulttyq ekonomika ministri Álibek Qýantyrov azyq-túliktiń qymbattap ketýi tek Qazaqstandaǵy emes, búkil álemdegi problema ekenin aitty, dep habarlaidy Sputnik Qazaqstan.
Úkimet kýlýarynda jýrnalister qazaqstandyqtar jalaqysynyń jartysynan astamyn tamaqqa jumsaýǵa májbúr ekenin aityp, azyq-túlik nege sonsha qymbattap ketkenin surady.
"Ókinishke qarai, bul - jahandyq problema. Eger statistikaǵa zer salsańyz, Batys elderi, AQSh, Resei, Ortalyq Aziia, barlyq derlik el osyndai máselege tap bolyp otyr. Oǵan pandemiiadan beri jalǵasyp kele jatqan taýar jetkizý tizbekteriniń buzylýy sebep. Keiin oǵan sońǵy oqiǵalar qosyldy. Logistikalyq problemalar baǵaǵa óte qatty áser etedi", - dedi Qýantyrov.
Ol naryq tolyǵymen beiimdelgenshe, baǵanyń qubylýy saqtalatynyn atap ótti.
Osy oraida ulttyq ekonomika ministri infliatsiiadan zardap shegip otyrǵan qazaqstandyqtarǵa keńes berdi.
"Shama-sharqynsha biýdjetti ońtailandyryp, artyq shyǵyndardy qysqartý kerek. Biz mundai kezeńderden óttik. Ókinishke qarai, ekonomika tsikldik, ara-tura mundai máseleler týyndap otyrady. Biz qazir infliatsiianyń shyńyna jetken joqpyz, biraq ol 2015-2016 jyldary bolǵan edi. Qazir sońǵy eki-úsh aimen salystyrǵanda, jaǵdai turaqtalýǵa tiis. Meniń oiymsha, jai ǵana kútý qajet", - dedi Qýantyrov.
Buǵan deiin Ulttyq bank infliatsiia 14%-ke jetkenin habarlady. Azyq-túlik infliatsiiasy 19%-ti quraǵan.
