ۇلتتىق ەكونوميكا مينيسترٸ ەلٸبەك قۋانتىروۆ ازىق-تٷلٸكتٸڭ قىمباتتاپ كەتۋٸ تەك قازاقستانداعى ەمەس, بٷكٸل ەلەمدەگٸ پروبلەما ەكەنٸن ايتتى, دەپ حابارلايدى Sputnik قازاقستان.
ٷكٸمەت كۋلۋارىندا جۋرناليستەر قازاقستاندىقتار جالاقىسىنىڭ جارتىسىنان استامىن تاماققا جۇمساۋعا مەجبٷر ەكەنٸن ايتىپ, ازىق-تٷلٸك نەگە سونشا قىمباتتاپ كەتكەنٸن سۇرادى.
"ٶكٸنٸشكە قاراي, بۇل - جاھاندىق پروبلەما. ەگەر ستاتيستيكاعا زەر سالساڭىز, باتىس ەلدەرٸ, اقش, رەسەي, ورتالىق ازييا, بارلىق دەرلٸك ەل وسىنداي مەسەلەگە تاپ بولىپ وتىر. وعان پاندەمييادان بەرٸ جالعاسىپ كەلە جاتقان تاۋار جەتكٸزۋ تٸزبەكتەرٸنٸڭ بۇزىلۋى سەبەپ. كەيٸن وعان سوڭعى وقيعالار قوسىلدى. لوگيستيكالىق پروبلەمالار باعاعا ٶتە قاتتى ەسەر ەتەدٸ", - دەدٸ قۋانتىروۆ.
ول نارىق تولىعىمەن بەيٸمدەلگەنشە, باعانىڭ قۇبىلۋى ساقتالاتىنىن اتاپ ٶتتٸ.
وسى ورايدا ۇلتتىق ەكونوميكا مينيسترٸ ينفلياتسييادان زارداپ شەگٸپ وتىرعان قازاقستاندىقتارعا كەڭەس بەردٸ.
"شاما-شارقىنشا بيۋدجەتتٸ وڭتايلاندىرىپ, ارتىق شىعىنداردى قىسقارتۋ كەرەك. بٸز مۇنداي كەزەڭدەردەن ٶتتٸك. ٶكٸنٸشكە قاراي, ەكونوميكا تسيكلدٸك, ارا-تۇرا مۇنداي مەسەلەلەر تۋىنداپ وتىرادى. بٸز قازٸر ينفلياتسييانىڭ شىڭىنا جەتكەن جوقپىز, بٸراق ول 2015-2016 جىلدارى بولعان ەدٸ. قازٸر سوڭعى ەكٸ-ٷش ايمەن سالىستىرعاندا, جاعداي تۇراقتالۋعا تيٸس. مەنٸڭ ويىمشا, جاي عانا كٷتۋ قاجەت", - دەدٸ قۋانتىروۆ.
بۇعان دەيٸن ۇلتتىق بانك ينفلياتسييا 14%-كە جەتكەنٸن حابارلادى. ازىق-تٷلٸك ينفلياتسيياسى 19%-تٸ قۇراعان.
