Ulttyq bankte aqsha-kredit saiasaty jónindegi komitet quryldy, dep habarlaidy "Ult aqparat".
"Aqsha-kredit saiasaty jónindegi komitet memleket basshysynyń 2020 jyldyń 1 qyrkúiektegi joldaýyndaǵy tapsyrmasyna sáikes quryldy. Bul komitet Ulttyq bank basqarmasymen jáne direktorlar keńesimen qosa jumys atqaryp júrgen qyzmetkerlerden turatyn úshinshi organ bolady", – delingen bank habarlamasynda.
Komitet quzyretine bazalyq mólsherleme týraly sheshim qabyldaý, aqsha-nesie saiasatynyń negizgi operatsiialary boiynsha paiyzdyq mólsherlemeni belgileý kiredi. Sondai-aq, ulttyq bank basqarmasynyń airyqsha quzyretine kirmeitin aqsha-kredit saiasatynyń basqa máseleleri boiynsha sheshim qabyldaidy.
Komitet qazir jumys istep júrgen qyzmetkerlerden qurylyp, quramyna tájiribeli táýelsiz músheler qabyldandy.
Sondai-aq, aqsha-kredit saiasaty jónindegi komitet infliatsiiaǵa baǵyttalǵan elderdiń tájiribesi negizinde quryldy.
Aita keteiik, memleket basshysynyń joldaýynda aqsha-kredit saiasatyna jańasha kózqaraspen qaraý qajettigi aityldy. Sondai-aq, ulttyq jáne halyqaralyq investorlar tarapynan teńgege degen senim daǵdarysy bolǵanyn atap ótti.
"Ekonomikany ártaraptandyrýdyń tómen deńgeii jáne baǵamnyń qubylmaly bolýy sheteldik, ásirese shikizattyq emes sektorlarda investitsiia aǵynyn tejeidi. Valiýta naryǵyn retteý, kapital qozǵalysy problemalary da keri áser etedi. Eksporttyq kiristiń edáýir bóligi shetelde qalyp, ishki valiýta naryǵyna da kirmeidi", – delingen Prezident Joldaýynda.
Osyǵan bailanysty aqsha-kredit saiasatynyń yntalandyrýshy rólin kúsheitýge qatysty sharalar qolǵa alynýda.
