QR Ulttyq bankinde jumys isteý úshin joǵary oqý oryndarynyń talantty túlekteri men tájiribeli mamandardy irikteý jónindegi naýqan sheńberinde reziýme qabyldaý bastaldy, dep habarlaidy "Ult aqparat".
«Joǵary oqý oryndarynyń talantty jáne perspektivti túlekterin jáne jumys tájiribesi bar bilikti mamandardy shaqyramyz. Irikteýge joǵary oqý oryndarynyń ekonomikalyq, zań, matematikalyq, IT bilimi bar túlekteri qatysa alady», - delingen Ulttyq bakntyń habarlamasynda.
Bas bankke halyqaralyq quqyq boiynsha joǵary bilikti mamandar (múmkindiginshe sheteldik bilimi bar, sheteldik (aǵylshyn) quqyqty jaqsy biletin, investitsiialyq kompaniianyń/banktiń zań qyzmetinde istegen jumys tájiribesi bar), sondai-aq táýekelderdi taldaý jáne baǵalaý úshin matematikalyq bilimi bar taldaýshy-mamandar qajet.
Sonymen birge innovatsiialar salasynda jumys tájiribesi bar IT-taldaýshylar, qurylys (qosymsha ekonomikalyq biliminiń bolǵany durys), energetika jáne kiberqaýipsizdik siiaqty salalarda jumys tájiribesi bar mamandar da qajet.
Aita keteiik, sheteldik bilimi, halyqaralyq sertifikattary, jumys tájribesi bar jáne aǵylshyn tilin jetik meńgergen úmitkerlerge basymdyq beriledi.
«Biz óz mamandyǵyn jaqsy kóretin, birlesken jobalarmen jumys istegisi keletin, bolashaǵynan úmit kúttiretin mamandardy komandamyzǵa qabyldaýǵa daiynbyz. Jas mamandar úshin bul – óz áleýetin iske asyryp, biliktiligin kóterip, mansabyn jasaý úshin baǵa jetpes tájiribe. Tájiribeli mamandar turaqty jumys ornyn, laiyqty eńbekaqysyn, óz daǵdysyn kásibi ujymda qoldana bilý múmkindigin baǵalai alady», - delingen habarlamada.
Irikteýge qatysý úshin árbir niet bildirgen adam 2018 jylǵy 27 qyrkúiekten bastap 27 qazan (qosa alǵanda) aralyǵynda Ulttyq banktiń resmi saitynda (www.nationalbank.kz, «Ulttyq Bank týraly» bólimi/«QUB-ǵa jumysqa ornalasý»/«Reziýmeniń elektrondyq nusqasy») ornalastyrylǵan «Reziýmeniń» elektrondyq nusqasyn toltyrýy qajet.
Reziýme men esseni qaraý qorytyndysy boiynsha iriktelgen úmitkerler odan ári psihologiialyq testileýden, bólimshelerdiń basshylarymen jáne Ulttyq Bank basshylyǵymen áńgimelesýden turatyn kadr qyzmetimen áńgimelesýge shaqyrylady.
Aita keteiik, naýqan jeńimpazdary Ulttyq banktiń kadr rezervine alynyp, bir jyldyń ishinde Ulttyq bankke jumysqa ornalastyrylady.
