Elbasy Nursultan Nazarbaev Ulttyq bank tóraǵasy Daniiar Aqyshevti qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysyna Ulttyq banktiń elimizdiń qarjy sektoryn ilgeriletý jónindegi jumystarynyń qorytyndysy týraly esep berildi.
Qazaqstan Prezidenti qazir ulttyq valiýtanyń erkin aiyrbas baǵamy saiasatynyń júrgizilip jatqanyn aityp, Ulttyq banktiń infliatsiia ósimine jol bermeý jónindegi mindetin erekshe atap ótti.
Sonymen qatar, D.Aqyshev Nursultan Nazarbaevqa valiýta jáne qarjy naryǵyndaǵy qazirgi ahýal týraly baiandady.
«Jalpy, ahýal turaqty. Qazir tamyz aiynyń basynda ishki jáne syrtqy sipattaǵy jekelegen faktorlar áserinen bolǵan aýytqýlardan keiin aiyrbas baǵamy turaqtandy. Alańdaýǵa esh negiz joq», - dedi Ulttyq bank tóraǵasy.
Elbasy kezdesý sońynda birqatar naqty tapsyrmalar berdi.
.jpeg)