Ulttyq banktiń tólem balansy departamentiniń direktory Azat Óskenbaevtyń tólem balansynyń aǵymdaǵy shoty týraly aityp berdi, dep habarlaidy "Ult aqparat".
Ulttyq bank 2020 jyldyń qorytyndysy boiynsha Qazaqstan Respýblikasynyń tólem balansyn aldyn ala baǵalaýdy qalyptastyrdy. Tólem balansyndaǵy negizgi aǵyndardyń serpini jyldyń birinshi jartysynda munaidyń álemdik baǵasynyń tómendeýimen, keiingi OPEK+ mámilesimen, COVID-19 pandemiiasymen jáne Úkimettiń ekonomikany qoldaý jónindegi jaýap sharalarymen aiqyndaldy.
«Aldyn ala baǵalaý boiynsha aǵymdaǵy shot 5,9 mlrd AQSh dollary defitsitimen qalyptasty, bul Ulttyq banktiń 2020 jylǵa arnalǵan boljamdy kútýlerine sáikes keledi. Aǵymdaǵy shot defitsitiniń negizgi sebebi munai eksportynyń qysqarýy esebinen taýarlar eksportynyń tómendeýi bolyp tabylady. 2019 jylmen salystyrǵanda eksport 46,9 mlrd AQSh dollaryna deiin 11,3 mlrd AQSh dollaryna (–19,4%) qysqardy. Sol kezeńde import 36,2 mlrd AQSh dollaryna deiin 3,9 mlrd AQSh dollaryna (–9,7%) tómendedi, bul investitsiialyq jáne aralyq taýarlardy ákelýdiń qysqarýyna bailanysty», - deidi Azat Óskenbaev.
Aǵymdaǵy shottyń jai-kúii bir jaǵynan saýda balansy men ekinshi jaǵynan sheteldik investorlarǵa tólenetin kiris arasyndaǵy tepe-teńdikke bailanysty.
2020 jyly investitsiialyq kiristiń teris balansy aitarlyqtai tómendedi, bul aǵymdaǵy shot defitsitiniń áleýetti tereńdigin aitarlyqtai tejedi. Tikelei investorlardyń úlesine keletin dividendter men qaita investitsiialanǵan paida 10,4 mlrd AQSh dollaryn qurady, bul ótken jyldyń uqsas kóleminen 35%-ǵa az (16,0 mlrd AQSh dollary).
Taǵy bir mańyzdy faktor – Qazaqstan Respýblikasy men Konsortsiým arasyndaǵy daýdy retteý sheńberinde Qarashyǵanaq Konsortsiýmynyń qatysýshylarynan túsken 1,3 mlrd AQSh dollary somasyndaǵy valiýtanyń elimizge ákelinýi. Bul ótemaqy tóleminiń túsýi qaitalama kiristiń (transfertterdiń) oń saldosyn 2,1 mlrd AQSh dollaryna deiin eki esege ulǵaitty.
Kiristegi osy oń úrdister 2020 jylǵy 3-shi toqsandaǵy saýda balansynyń teris saldosyna qarsy salmaq kórsetti. Qorytyndysynda, 2020 jyly aǵymdaǵy shot saldosynyń 2019 jylmen salystyrǵanda 1,3 mlrd AQSh dollaryna jaqsarýy baiqalady.
