Ulttyq bank tóraǵasynyń orynbasary Áliia Moldabekova teńgeniń aqpanda nyǵaiý sebepteri týraly pikir bildirdi, - dep habarlaidy Tengrinews.kz tilshisi Ulttyq banktiń baspasóz qyzmetine silteme jasap.
Áliia Moldabekovanyń aitýynsha, qańtardyń basyndaǵy oqiǵalardan keiin valiýta naryǵyndaǵy jaǵdai tolyq qalpyna kelgen.
"Bir aptaǵa jýyq saýda-sattyq bolmaǵannan keiin shetel valiýtasyna suranys paida boldy jáne satýshylar sany shekteýli bolǵanda, 12 jáne 13 qańtarda Ulttyq bank valiýtalyq interventsiia júrgizdi. Onyń kólemi 240 million AQSh dollary boldy. Budan keiin bir ai ishinde Ulttyq banktiń aralasýy talap etilmedi", - dedi ol.
Bul rette munai naryǵyndaǵy oń serpin teńgege negizgi qoldaý bolǵan. Alaida munai baǵasynyń ósýine qaramastan, qańtarda teńge baǵamy 433,52-ge deiin 0,4 paiyzǵa álsiredi, bul AQSh dollarynyń jahandyq nyǵaiýyn, negizgi saýda seriktesteri valiýtalarynyń álsireýin kórsetedi.
Moldabekova aqpannyń basynan bastap teńge 427,95 deńgeiine deiin 1,3 paiyzǵa nyǵaiǵanyn aitty.
"Qarasha-jeltoqsanda pozitsiialardy belsendi ósirgennen keiin zańdy tulǵalar tarapynan shetel valiýtasyna suranystyń tómendeýi, sondai-aq respýblikalyq biýdjetke eksporttaýshylardyń salyq tólemderi aldyndaǵy qolaily maýsymdyq faktor ulttyq valiýtaǵa qoldaý boldy", - delingen habarlamada.
