Foto: Pexels.com
Qazaqstan Ulttyq banki 2025 jyldyń 4 jeltoqsanynda valiýtalyq naryqqa qatysty aqparattyq habarlama taratyp, sońǵy ýaqytta AQSh dollaryna shaqqandaǵy teńge baǵamynyń aitarlyqtai nyǵaiýynyń sebepterin túsindirdi, dep habarlaidy Ult.kz.
Qarjy retteýshisiniń dereginshe, qazan aiynan beri teńge bir dollar úshin 499–500 teńge aralyǵynda saýdalanyp, shamamen 9%-ǵa kúsheigen. Bul úrdis syrtqy naryqtaǵy qolaily ahýal men eldegi makroekonomikalyq saiasattyń turaqtylyǵymen bailanysty.
Ulttyq bank munaidyń álemdik baǵasy barreline 60 dollardan joǵary deńgeide saqtalyp otyrǵanyn atap ótti. Sonymen qatar AQSh Federaldy rezerv júiesiniń mólsherlemeni tómendetý týraly sheshimderi jahandyq dollar indeksiniń 8,3%-ǵa álsireýine, al damýshy naryqtar valiýtalarynyń 8,3%-ǵa nyǵaiýyna yqpal etken. Osy faktorlar Qazaqstan aktivterine halyqaralyq investorlardyń qyzyǵýshylyǵyn arttyrdy.
Buǵan qosa Úkimet, Ulttyq bank jáne Qarjy naryǵyn retteý agenttigi iske asyryp jatqan 2026–2028 jyldarǵa arnalǵan makroekonomikany turaqtandyrý jáne halyq ál-aýqatyn arttyrý jónindegi birlesken is-qimyl baǵdarlamasy teńgeniń turaqtylyǵyn kúsheite tústi. Baǵdarlama suranys pen usynys teńgerimin qalpyna keltirýge, biýdjet shyǵystarynyń tiimdiligin arttyrýǵa, infliatsiiany tómendetýge jáne ekonomikalyq ósimge jaǵdai jasaýǵa baǵyttalǵan.
«Aqsha-kredit saiasatynyń dáiektiligi naryq qatysýshylarynyń senimin arttyrdy. Qalypty qatań saiasat infliatsiialyq kútýlerdiń tómendeýine jáne teńgemen quraldardyń naqty kiristiliginiń ósýine ákeldi. Bul otandyq aktivterdiń, sonyń ishinde beirezidentter úshin, tartymdylyǵyn kúsheitti», — dep atap ótti Ulttyq bank.
