Búgin Astanada ótken «Teńge - táýelsiz Qazaqstannyń valiýtasy» taqyrybyndaǵy konferentsiia aiasynda jýrnalisterge suhbat bergen QR Ulttyq banki tóraǵasynyń orynbasary Dina Ǵalieva, qazaq halqynyń uly tulǵalary beinelengen teńgeniń alǵashqy seriiasyn qaita shyǵarýǵa qatysty óz pikirin bildirdi, dep habarlaidy Ult.kz tilshisi QazAqparat agenttigine silteme jasap.
«Banknottardyń alǵashqy seriiasynda portretter boldy. Artynan ol seriia jalǵasty. Biraq teńgelerdiń basym bóliginde Ál-Farabidiń portreti basyldy. Odan keiin Báiterek, sosyn qazirgi ainalymda júrgen «Qazaq eli» degen seriia shyqty. Biz ony «Samuryq» seriiasy dep ataimyz», - deidi D.Ǵalieva.
Osy oraida jýrnalister «Burynǵy portrettik seriia qaita shyǵarylýy múmkin be?» degen suraq qoidy.
«Shyny kerek, portrettik seriiany adamdar jaqsy qabyldaidy. Nege? Sebebi ondai banknottar halyqqa jaqyn, ondai aqshaǵa degen azamattardyń senimi myqty bolady. Bul - meniń jeke pikirim. Al portrettik seriiany shyǵarý, ia bolmasa, shyǵarmaý máselesi dizainerlerge bailanysty. Biz olardyń usynǵan úlgilerine qaraimyz», - dep atap kórsetti D.Ǵalieva.
.jpeg)