QR Ulttyq banki 2021 jyldyń 5 – 12 aqpan aralyǵynda jekelegen damýshy elderdiń valiýtalary boiynsha sholý jasady, dep habarlaidy "Ult aqparat".
Saýda-sattyqtyń qorytyndysy boiynsha 12 aqpanda teńgeniń naryqtyq baǵamy apta ishinde 0,4%-ǵa nyǵaiyp, bir AQSh dollary úshin 418,86 teńge boldy.
Syrtqy valiýta naryǵynda 2021 jylǵy 5 – 12 aqpan aralyǵyndaǵy kezeńde damýshy elder valiýtalarynyń serpini AQSh-ta yntalandyrý toptamasyn qabyldaý jáne koronavirýsqa qarsy vaktsinatsiiany qamtýdy keńeitý jónindegi kútýlerdiń nátijesinde oń boldy.
Ulybritaniia Úkimeti elde Covid-19-dy juqtyrýdyń qysqarǵanyna senimdi ekenin bildirdi, 14 mln-nan astam adam alǵashqy ekpeni aldy. AQSh-ta shekteý sharalary jeńildetý josparlanǵan merzimnen buryn engizilýde. Federaldyq rezervtik júieniń tóraǵasy Djerom Paýell qalpyna keltirýdi qoldaý úshin jeńildetilgen aqsha-kredit saiasaty men qosymsha qarjylyq yntalandyrýdyń qajet ekenin taǵy da málimdedi.
Damýshy elder valiýtalarynyń AQSh dollaryna qatysty baǵamdarynyń serpini tómendegidei qalyptasty:
- Ońtústik Afrika randy investorlardyń táýekel dárejesiniń jaqsarýy, sondai-aq el Prezidenti jańartylatyn energiia kózderin damytý týraly jariialaǵan joldaýy aiasynda 2%-ǵa (14,84-ten 14,55-ke deiin) nyǵaidy
- Resei rýbli munai baǵasynyń ósýi aiasynda 1,4%-ǵa (74,65-ten 73,64-ke deiin) nyǵaidy. RF OB negizgi mólsherlemeni 4,25% deńgeiinde saqtaý týraly sheshim qabyldady, sondai-aq aqsha-kredit saiasatyn jeńildetý tsiklin aiaqtaǵysy keletini týraly málimdedi;
- Meksika pesosy AQSh dollary baǵamynyń jahandyq álsireýi aiasynda 0,7%-ǵa (20,09-dan 19,95-ke deiin) nyǵaidy. Retteýshi ekonomikany yntalandyrý maqsatynda turaqty infliatsiiaǵa bailanysty mólsherlemeni 4%-ǵa deiin tómendetti;
- Túrik lirasy táýekel-sentimenttiń jaqsarýy aiasynda 0,4%-ǵa (7,06-dan 7,03-ke deiin) nyǵaidy. Aiyrbas baǵamynyń nyǵaiý serpinine bailanysty shetel valiýtasynda qorlandyrý quny aitarlyqtai tómendedi, kreditorlar azannan bastap shamamen $2 mlrd tartty;
Úndi rýpiiasy 0,2%-ǵa (72,93-ten 72,76-ǵa deiin) nyǵaidy. Úkimet aiqyndylyqty arttyrý maqsatynda 2020 jylǵy rekordtyq 9,5% biýdjet tapshylyǵy týraly jáne 2021 jylǵy 6,8% bolatyny týraly boljamyn habarlady.
Buryn kvazimemlekettik sektordan qaryz alý boiynsha biýdjettiń balanstan tys baptaryn engizý esebinen kórsetkishter tómen boldy;
- Braziliia realy apta ishinde ózgergen joq, 5,38 deńgeiinde qaldy.
