QR Ulttyq banki tótenshe jaǵdai saldarynan zardap shekken shaǵyn jáne orta biznesti jeńildikpen kreditteýdiń jańa baǵdarlamasyn júzege asyrýǵa kiristi. Bul týraly Ortalyq kommýnikatsiialar qyzmetindegi brifingte QR Ulttyq ekonomika vitse-ministri Jasulan Mədiev aitty, dep habarlaidy QazAqparat.
«Memleket basshysynyń tapsyrmasymen qarjylai retteýshi de biznesti qoldaý sharalaryn qabyldady. Atap aitqanda, Ulttyq bank tótenshe jaǵdai saldarynan zardap shekken shaǵyn jáne orta biznesti jeńildikpen kreditteýdiń jańa baǵdarlamasyn júzege asyrýǵa kiristi. Bul maqsatqa 600 mlrd teńge bólindi. Kredit 1 jylǵa deiin kreditteý merzimimen 8 paiyzdyq stavka arqyly ainalym qarajatyn tolyqtyrýǵa beriledi», - dedi Jasulan Mádiev.
Onyń atap ótýinshe, Qarjy naryǵyn retteý jáne damytý agenttigi qabyldaǵan sheshimge sáikes, bankter, mikroqarjylyq uiymdar jáne ózge de qarjylyq institýttar kreditter men shaǵyn kreditter boiynsha negizgi qaryz boiynsha tólem keshiktirilgende aiyppul men ósimpul jáne syiaqy eseptemeýi tiis.
«Sonymen tótenshe jaǵdai engizilýiniń nátijesinde qarjylyq jaǵdailary nasharlaǵan shaǵyn jáne orta biznes sýbektilerin 90 kúntizbelik kúnge deiin tólemderin tóleýdi toqtata turady. Úkimet pen qarjylyq retteýshiniń ShOB-ty qoldaý boiynsha qabyldaǵan birlesken is-qimyly kásiporyndardyń aǵymdaǵyoperatsiialyq qyzmetin qoldaýǵa múmkindik jasap, ekonomikanyń odan ary ósimin yntalandyratyn bolady», - dedi vitse-ministr.
