Qazaqstan Ulttyq banki qolma-qol shetel valiýtasyn teńgege satyp alý baǵamynyń satý baǵamynan aýytqý shekteriniń qoldanylý merzimin 2020 jylǵy 1 shildege deiin uzartý týraly sheshim qabyldady, dep habarlaidy "Ult aqparat".
«Bul sharalar aiyrbastaý pýnktterindegi valiýtalardy satyp alý jáne satý baǵamdary arasynda negizsiz joǵary marjany ornatýǵa qarsy jáne álemdik qarjy naryqtaryndaǵy qubylmaly jaǵdaiǵa bailanysty qarjylyq turaqtylyqty saqtaýǵa baǵyttalǵan. Shetel valiýtasyn satyp alý baǵamynyń satý baǵamynan aýytqý shekteri: 1) AQSh dollary – 6 teńge; 2) eýro - 7 teńge deńgeiinde belgilendi. Qabyldanǵan shekteýler qolma-qol aqshasyz ótkiziletin aiyrbastaý operatsiialaryna qoldanylmaidy. Qaýlynyń tolyq mátinimen Qazaqstan Ulttyq bankiniń internet resýrsynda tanysýǵa bolady»,– dep habarlady Ulttyq banktiń baspasóz qyzmeti.
Eske sala keteiik, 2020 jylǵy 19 naýryzda Qazaqstan Ulttyq banki aiyrbastaý pýnktteri arqyly ótkiziletin operatsiialar boiynsha shetel valiýtasyn teńgege satyp alý baǵamynyń satý baǵamynan aýytqý shekterin elde tótenshe jaǵdai rejiminiń qoldanylý ýaqytyna ornatqan bolatyn.
