Ulttyq bank rýbl baǵamynyń teńgege áseri týraly málimdeme jasady, - dep habarlaidy Tengrinews.kz tilshisi.
"Ulttyq Bank naqty ýaqyt rejiminde elder úkimetiniń, Ortalyq bankteri men qarjy uiymdarynyń resmi málimdemesin qadaǵalap otyrady jáne Reseige qarsy jańa sanktsiialardyń Qazaqstannyń qarjy júiesine yqpal etý dárejesin baǵalaidy", - delingen habarlamada.
Aldaǵy kúnderi Resei rýbliniń baǵamy aitarlyqtai qubyldy jáne kóp jaǵdaida naryq yqpalyna jáne táýekel-sentimenttiń ózgerýine ushyrap, az dárejede irgeli faktorlardy kórsetti, delingen UB habarlamasynda.
"Rýbldiń shamadan tys aýytqýynyń teńgege negizsiz yqpal etýin tómendetý úshin Ulttyq bank qajet bolǵan jaǵdaida valiýtalyq interventsiialar júrgizetin bolady. Mundai interventsiialar kólemi men jiiligi ishki valiýta naryǵyndaǵy jaǵdaiǵa bailanysty bolady. Bul rette teńgeniń ikemdi baǵamy syrtqy sektor tarapynan táýekelderdi iske asyrý aiasynda mańyzdylyǵy artqan altyn-valiýta aktivteriniń saqtalýyn qamtamasyz etýge múmkindik beredi. Altyn-valiýta aktivteriniń aǵymdaǵy deńgeii importtyń 8,8 aiyn qantamasyz etýge múmkindik beredi", - delingen habarlamada.
