QR Ulttyq bank tóraǵasy Ǵalymjan Pirmatov Úkimet otyrysynda Reseidiń SWIFT-ten ajyratylýy Qazaqstanǵa áser etpeitinin aitty, dep habarlaidy QazAqparat.
Óz baiandamasynda Ǵalymjan Pirmatov Ulttyq bank erkin ózgermeli baǵamda infliatsiialyq targetteý rejimin ustanýdy jalǵastyratynyn jetkizdi.
«Ulttyq banktiń barlyq qajetti quraldary bar jáne olardy aqylǵa qonymdy tásilmen paidalanady. Eldiń jalpy halyqaralyq rezervteri 25 aqpanda 87,7 mlrd dollardy qurady. Ai basynan beri ósim 346 mln dollar. Onyń ishinde Ulttyq qordyń aktivteri – 54,0 mlrd dollar, altyn – valiýta rezervteri – 33,7 mlrd dollar. Biz qarjylyq turaqtylyq úshin táýekelder kúsheigen jaǵdaida valiýtalyq interventsiialar júrgizemiz», – dedi Ǵalymjan Pirmatov.
Ulttyq bank basshysy sharalar kesheni teńgelik aktivterdiń tartymdylyǵyn saqtaýǵa, dollarmen bailanysty táýekelder men aiyrbas baǵamyna qysymdy tómendetýge, sondai-aq infliatsiianyń eleýli ósý táýekelderin jumsartýǵa baǵyttalǵanyn aitty. Sondai-aq, ol reseilik banktermen transshekaralyq operatsiialardyń jumys jospary daiyndalǵanyn atap ótti.
«Qazaqstandyq bankterdiń klienttik jáne menshikti tólemder men aqsha aýdarymdaryn el ishinde júrgizý boiynsha barlyq operatsiialary shtattyq rejimde júzege asyrylady. SWIFT júiesinen ajyratylǵan reseilik bankterdiń klientterimen transshekaralyq operatsiialardy qamtamasyz etý úshin ózara esep aiyrysýlardy júrgizýdiń balamaly tetikteri ázirlendi», – dedi Pirmatov.
Ol Qazaqstan Eýraziialyq ekonomikalyq odaqtyń múshesi ekenin, sol odaq aiasynda bizge ákelinetin importtyń 42%-y Reseige tiesili ekenin eske saldy.
«Osynyń bárin eskersek, Reseige qarsy jańa sanktsiialar bizdiń elimizdiń ekonomikasyna áser etedi. Resei rýbliniń álsireýine bailanysty Qazaqstannyń qarjy naryǵyna qysym ósýde», - dedi Ulttyq bank basshysy.
