Ulttyq bank 2022 jyldyń aqpan aiyndaǵy iskerlik belsendilik indeksi týraly Aqsha-kredit saiasaty departamenti direktorynyń orynbasary Denis Cherniavskiidiń túsindirmesin usyndy, dep habarlaidy "Ult aqparat".
Alynǵan baǵalaýdyń nátijesi boiynsha, iskerlik belsendilik indeksi aqpan aiynda joǵarylap, 50,6 (qańtarda – 50,0) boldy. Indekstiń joǵarylaýy – qyzmet kórsetý sektoryndaǵy kórsetkishtiń 50,6-ǵa deiin kóterilýimen bailanysty (qańtarda – 49,4). Ónerkásip pen qurylysta indeksterdiń máni aitarlyqtai ózgermei, sáikesinshe 51,4 jáne 46,0 qurady (qańtarda – 51,8 jáne 45,7).
.jpg)
Aimaqtar boiynsha aqpanda 8 óńirde iskerlik belsendilik jaqsaryp, 9 óńirde nasharlaǵany baiqaldy. Iskerlik belsendiliktiń neǵurlym joǵary deńgeii Túrkistan oblysy (56,2) men Shymkent qalasynda (53,7), tómen deńgeii Jambyl oblysy (44,7) men Almaty qalasynda (45,7) tirkeldi.
2022 jyldyń aqpan aiynda kásiporyndar búgingi biznes-jaǵdaidy jalpylai teris baǵalady, alaida baǵalaý ótken aiǵa qaraǵanda jaqsyraq boldy: oń jáne keri baǵalardyń aiyrmasy boiynsha jaýaptar teńgerimi qańtardaǵy (-)2,3 ten (-)1,4 deiin kóterildi.
Kásiporyndardyń deregi boiynsha, qarjy/nesieniń qol jetimdiliginen basqa faktorlardyń baǵasy jaqsardy. Atalǵan faktor 2021 jylǵy qańtardan beri alǵash ret teris mánge ie boldy (-0,5). Qalǵan faktorlardyń (salyq aýyrtpalyǵy, suranys deńgeii, biznesti qorǵaý máseleleri) baǵalaýy jaqsarǵanymen, áli de teris mánge ie bolyp otyr (sáikesinshe, (-)5,5, (-)4,0 jáne (-)1,1). Oń mánge ie bolǵany – tek infraqurylym (0,7).
Aldaǵy 6 aiǵa arnalǵan biznes-jaǵdaiǵa qatysty optimizm joǵarylady: bolashaq jaǵdaidy baǵalaý 21,5 qurady (qańtarda – 17,9), sonymen qatar qazirgi biznes jaǵdaidyń baǵasy jaqsaryp, (-)1,4 boldy (qańtarda (-)2,3). Nátijesinde ekonomikada biznes ahýal indeksi 11,4-ke deiin aitralyqtai joǵarylady (qańtarda – 7,4).
2022 jylǵy aqpanda saýalnamaǵa 465 kásiporyn qatysty: qurylysta – 71, ónerkásipte – 177, qyzmet kórsetýde – 217.
