Ulttyq bank ókilderi jalǵan kýpiýrany qalai anyqtaýǵa bolatynyn túsindirdi, - dep habarlaidy "Ult aqparat" QR Ulttyq bankiniń baspasóz qyzmetine silteme jasap.
Ulttyq Banktiń Qolma-qol aqshamen jumys júrgizý basqarmasynyń bastyǵy Toǵjan Ábishevanyń aitýynsha, barlyq qoldan jasalǵan úlgiler túrli-tústi printerlerde jáne kádimgi ofsettik qaǵazda jasalady jáne olardy arnaiy kassa tehnikasy arqyly op-ońai anyqtaýǵa bolady. Bank terminaly mundai banknotty qabyldamaidy, sebebi tehnika arqyly tanýǵa bolatyn arnaiy belgiler boiynsha tanyp biledi.
Baspasóz qyzmetiniń málimetinshe, 2016 jyly Ulttyq Bankke 10 744 680 teńge somaǵa 3 469 kúmándi aqsha belgisi saraptamaǵa kelip tústi, olardyń ishinde 2 067 070 teńge somaǵa 928 aqsha belgisi qoldan jasaý belgileri bar dep tanyldy. Al 2015 jylmen salystyrǵanda jalǵan aqsha belgileriniń sany 145 danaǵa azaidy.
"Negizinen orta nominaldaǵy banknottardy qoldan jasaidy, sebebi olar ainalysta keńinen taralǵan jáne olarǵa basa nazar aýdarmaidy. 2016 jyly Ulttyq Banktiń sarapshylary 2012 jylǵy úlgidegi nominaly 2000 teńgelik 261 banknotty (anyqtalǵan qoldan jasalǵan banknottardyń jalpy sanynan 28 paiyzy), 2014 jylǵy úlgidegi nominaly 1000 teńgelik 155 banknotty (anyqtalǵan qoldan jasalǵan banknottardyń jalpy sanynan 16 paiyzy) anyqtady", – dep naqtylady Toǵjan Ábisheva.
Onyń aitýynsha, teńgeni kóbinese lazerlik printerdi qoldana otyryp qoldan jasaidy. Sondai-aq, ol bir bóligi túpnusqa, al ekinshisi aǵyndy printerde basyp shyǵarylǵan eki jelimdelgen bólikten turatyn qoldan jasalǵan banknottardyń sirek kezdesetinin aitty.
"Bul rette aǵyndy printerdiń kómegimen basyp shyǵarylǵan banknottyń bóliginde ýltrakúlgin qorǵanysh bolmaidy, al jaryqqa tosyp qaraǵan kezde eki betin jelimdegennen aiqyn iz kórinip turady, - dep atap ótti. - Sonymen qatar 2016 jyly 2014 jylǵy úlgidegi nominaly 1000 teńgelik banknottardy qoldan jasaýdyń jańa túrleri paida boldy. Bul banknottar aǵyndy printerde basyp shyǵaryldy. Qorǵanysh jibi jáne "Spark" elementi jyltyraǵy bar tyrnaqqa arnalǵan lakpen salynǵan", - dedi ol.
Basqarma basshysynyń aitýynsha, Ulttyq Bankte jalǵan teńgeni anyqtaý úshin "Sezin-qara-aýdaryp kór" ádisi qoldanylady. "Aldymen banknotty seziný qajet. Banknot qaǵazy erekshe shytyrlaidy. Bul banknotty shyǵarýǵa jasalǵan arnaiy qaǵaz. Barlyq banknotqa banknottyń ózine beder beretin arnaiy mór qoiylǵan. Bul - saýsaqtyń ushymen jaqsy ajyratýǵa bolatyn shyǵyńqy joǵary bederli elementter. Sodan soń, onyń aitýynsha, banknotqa muqiiat qaraý qajet. Aldymen qaraǵan kezdegi jalpy áser qalyptastyrylady: aqsha belgisi taza, aiqyn, qarama-qarsy nemese las emes pe, daqtary nemese aqqan boiaýlary bar ma, joq pa", - dedi Toǵjan Ábisheva.
Banknotty jaryqqa tosyp qaraǵan kezde kóp aqparat alýǵa bolady, bul sýtamǵy belgilerge qatysty – aǵymdaǵy seriiada bul miftik tanymdaǵy "Samuryq" qusy, nominaldyń tsifrlyq beinelenýi. Demek, ol jalǵan aqsha belgilerinde bolatyn aiǵyzdalǵan sýret emes, naqty bir sýret, - dep jalǵastyrdy ol - sol siiaqty qaǵazdyń betinde jaryqqa tosyp qaraǵan kezde jazýy bar tutas jip retinde kórinetin, jazýy bar pýnktirler - tutas magnitti jáne úzik-úzik (metall) jipti kórý qajet. Sońǵy ádis - "Aýdaryp kór". Banknottarda túsi ózgeretin arnaiy boiaýmen salynǵan beineler bolady, banknottardy aýdarǵan nemese kólbeý buryshyn ózgertken kezde olardyń túsi jasyl tústen altyndatylǵan túske deiin ózgeredi. Áńgime SPARK elementi jaiynda bolyp otyr", - dedi bank ókili.
Sondai-aq, Ábisheva Qazaqstan Respýblikasy Qylmystyq kodeksiniń "Jalǵan aqsha nemese baǵaly qaǵazdar jasaý, saqtaý, alyp ótý nemese ótkizý" 231-babyna sáikes, aqsha qarajatyn qoldan jasaýmen bailanysty qylmysty jasaǵany úshin múlki tárkilenip, on eki jylǵa deiingi merzimge bas bostandyǵynan aiyrý kózdelgenin eske saldy.
Tolyǵyraq: https://kaz.tengrinews.kz/private_finance/ulttyik-bank-oklder-jalgan-kupyuranyi-kalay-anyiktauga-276862/
Materialdy kóshirip basqanda Kaz.tengrinews.kz saityna gipersilteme mindetti túrde qoiylýy tiis. Avtorlyq quqyqty saqtańyz.
