QR Ulttyq bank tóraǵasynyń orynbasary Oleg Smoliakov kriptovaliýta qai jaǵynan damytýǵa bolatynyn aityp berdi, dep xabarlaidy QazAqparat tilshisi.
O.Smoliakovtyń aitýynsha, qazirgi kezde Ulttyq bank kriptovaliýta naryǵyn retteý máselesin pysyqtap jatyr. «Negizi, kriptovaliýta máselesin keńinen qarastyrý qajet. Sebebi álem boiynsha naqty ustanym joq. Bireýler qoldap jatyr, endi bireýler tyiym salyp otyr. Alaida bir nárse anyq, kriptovaliýtany aqsha retinde qarastyrýǵa bolmaidy. Bul - qarjylyq ónim, texnologiia. Biraq tólem men aiyrbas quraly emes. Biz osyny zerdelep jatyrmyz. Kriptovaliýtany aqshanyń balamasy retinde emes, qarjylyq texnologiia retinde qarastyrýǵa bolady dep sanaimyz. Osy balansty saqtaýǵa tyrysamyz», - dep atap kórsetti O.Smoliakov.
Onyń aitýynsha, qazirdiń ózinde 7 million teńgeden astam somaǵa baqylaý júrgiziledi. Osynyń ózi kriptovaliýtamen ainalysýǵa shekteý bolady degen jospar bar.
Aita keteiik, Parlament Májilisinde O.Smoliakov «Valiýtalyq retteý jáne valiýtalyq baqylaý týraly» zań jobasyn tanystyrdy. Atalǵan qujatta kriptovaliýta jaiynda eshteńe aitylmady. Osyǵan bailanysty depýtattar kriptovaliýta naryǵyn qadaǵalaýdy jedeldetýdi talap etti. Buǵan deiin «Astana» HQO tsifrlyq tehnologiialar jónindegi direktory Ásel Jienbaeva kriptovaliýta naryǵyn tezdetip baqylaýǵa alýǵa keńes berdi.
