QR Ulttyq banki klientterdiń ótinish-shaǵymdarynan keiin tekseris júrgizip, eń kóp buzýshylyqqa jol bergen bankterge shara qoldandy, dep habarlaidy "Ult aqparat".
UB baspasóz qyzmetinen habarlaǵandai, qarjy regýliatory halyqtyń quqyqtary men zańdy múddelerin buzý boiynsha 2018 jyldyń úshinshi toqsanynda ekinshi deńgeili bankterdiń jáne bank operatsiialarynyń jekelegen túrlerin júzege asyratyn uiymdardyń jumysyna taldaý júrgizgen.
«Tekserý barysynda anyqtalǵan buzýshylyqtardyń qorytyndysy boiynsha ekinshi deńgeili bankterge qatysty 71 sanktsiia jáne shekteý sharasy qoldanyldy. Onyń ishinde, aiyppuldar salý jáne óndirip alý túrinde 28 sanktsiia, jazbasha uiǵarym túrindegi 43 shekteý sharasy qabyldandy», - delingen habarlamada.
Ulttyq bank eń kóp buzýshylyqqa jol bergen 6 bankti atady. «Litsenziialary keri qaitarylǵan bankterden («Qazaq Banki» AQ, «Astana banki» AQ) bólek, qarjylyq qyzmetterdi tutynýshylardyń ótinishteri men shaǵymdaryn qaraý nátijeleri boiynsha mynadai bankter eń kóp buzýshylyqqa jol bergen. Olar: «Kazkommertsbank» AQ, «ForteBank» AQ, «Hoým Kredit Banki» AQ EB, sondai-aq «Alfa-Bank» AQ EB, «ATF Bank» AQ, «Sberbank Rossii» AQ EB», - dep habarlady vedomstvonyń baspasóz qyzmetinen.
Atap ótilgendei, bankter kóp jaǵdaida QR banktik zańnamasynda, sondai-aq Ulttyq banktiń normativterinde belgilengen talaptardy saqtamaǵan. Naqtyraq aitqanda, banktik qaryzdarǵa qyzmet kórsetýde, tólemder men aqsha aýdarymdaryn jasaýda, bank shottary boiynsha qyzmet kórsetýde quqyqtar buzylǵan. Buǵan qosa, tekserý nátijesi tutynýshylardyń múddesin qorǵaý máseleleri boiynsha bankterdiń talaptardy eskere bermeitinin kórsetip otyr.
«Bank qaryzy boiynsha qyzmet kórsetý tártibinde kelesi kemshilikter anyqtalǵan. Naqtyraq aitqanda, qaryz alýshyǵa bereshek merziminiń ótip ketkeni týraly habarlamaý, nesie beresheginiń bary týraly anyqtamanyń berilgeni úshin komissiiany zańsyz alý, qaryz somasyn qaitarý boiynsha mindettemelerdi oryndamaǵany úshin turaqsyzdyq aiyby (aiyppul, ósimpul) mólsherin arttyrý, kredittik biýroǵa qaryz alýshy jóninde dáieksiz málimet berý sekildi olqylyqtarǵa jol bergen», - dedi UB baspasóz qyzmetinen.
