قر ۇلتتىق بانكٸ كليەنتتەردٸڭ ٶتٸنٸش-شاعىمدارىنان كەيٸن تەكسەرٸس جٷرگٸزٸپ, ەڭ كٶپ بۇزۋشىلىققا جول بەرگەن بانكتەرگە شارا قولداندى, دەپ حابارلايدى "ۇلت اقپارات".
ۇب باسپاسٶز قىزمەتٸنەن حابارلاعانداي, قارجى رەگۋلياتورى حالىقتىڭ قۇقىقتارى مەن زاڭدى مٷددەلەرٸن بۇزۋ بويىنشا 2018 جىلدىڭ ٷشٸنشٸ توقسانىندا ەكٸنشٸ دەڭگەيلٸ بانكتەردٸڭ جەنە بانك وپەراتسييالارىنىڭ جەكەلەگەن تٷرلەرٸن جٷزەگە اسىراتىن ۇيىمداردىڭ جۇمىسىنا تالداۋ جٷرگٸزگەن.
«تەكسەرۋ بارىسىندا انىقتالعان بۇزۋشىلىقتاردىڭ قورىتىندىسى بويىنشا ەكٸنشٸ دەڭگەيلٸ بانكتەرگە قاتىستى 71 سانكتسييا جەنە شەكتەۋ شاراسى قولدانىلدى. ونىڭ ٸشٸندە, ايىپپۇلدار سالۋ جەنە ٶندٸرٸپ الۋ تٷرٸندە 28 سانكتسييا, جازباشا ۇيعارىم تٷرٸندەگٸ 43 شەكتەۋ شاراسى قابىلداندى», - دەلٸنگەن حابارلامادا.
ۇلتتىق بانك ەڭ كٶپ بۇزۋشىلىققا جول بەرگەن 6 بانكتٸ اتادى. «ليتسەنزييالارى كەرٸ قايتارىلعان بانكتەردەن («Qazaq Banki» اق, «استانا بانكٸ» اق) بٶلەك, قارجىلىق قىزمەتتەردٸ تۇتىنۋشىلاردىڭ ٶتٸنٸشتەرٸ مەن شاعىمدارىن قاراۋ نەتيجەلەرٸ بويىنشا مىناداي بانكتەر ەڭ كٶپ بۇزۋشىلىققا جول بەرگەن. ولار: «كازكوممەرتسبانك» اق, «ForteBank» اق, «حوۋم كرەديت بانكٸ» اق ەب, سونداي-اق «الفا-بانك» اق ەب, «اتف بانك» اق, «سبەربانك روسسيي» اق ەب», - دەپ حابارلادى ۆەدومستۆونىڭ باسپاسٶز قىزمەتٸنەن.
اتاپ ٶتٸلگەندەي, بانكتەر كٶپ جاعدايدا قر بانكتٸك زاڭناماسىندا, سونداي-اق ۇلتتىق بانكتٸڭ نورماتيۆتەرٸندە بەلگٸلەنگەن تالاپتاردى ساقتاماعان. ناقتىراق ايتقاندا, بانكتٸك قارىزدارعا قىزمەت كٶرسەتۋدە, تٶلەمدەر مەن اقشا اۋدارىمدارىن جاساۋدا, بانك شوتتارى بويىنشا قىزمەت كٶرسەتۋدە قۇقىقتار بۇزىلعان. بۇعان قوسا, تەكسەرۋ نەتيجەسٸ تۇتىنۋشىلاردىڭ مٷددەسٸن قورعاۋ مەسەلەلەرٸ بويىنشا بانكتەردٸڭ تالاپتاردى ەسكەرە بەرمەيتٸنٸن كٶرسەتٸپ وتىر.
«بانك قارىزى بويىنشا قىزمەت كٶرسەتۋ تەرتٸبٸندە كەلەسٸ كەمشٸلٸكتەر انىقتالعان. ناقتىراق ايتقاندا, قارىز الۋشىعا بەرەشەك مەرزٸمٸنٸڭ ٶتٸپ كەتكەنٸ تۋرالى حابارلاماۋ, نەسيە بەرەشەگٸنٸڭ بارى تۋرالى انىقتامانىڭ بەرٸلگەنٸ ٷشٸن كوميسسييانى زاڭسىز الۋ, قارىز سوماسىن قايتارۋ بويىنشا مٸندەتتەمەلەردٸ ورىنداماعانى ٷشٸن تۇراقسىزدىق ايىبى (ايىپپۇل, ٶسٸمپۇل) مٶلشەرٸن ارتتىرۋ, كرەديتتٸك بيۋروعا قارىز الۋشى جٶنٸندە دەيەكسٸز مەلٸمەت بەرۋ سەكٸلدٸ ولقىلىقتارعا جول بەرگەن», - دەدٸ ۇب باسپاسٶز قىزمەتٸنەن.
