UB Halyq banki men Qazkom arasynda kelissózderdiń bastalǵany týraly aqparatqa túsinikteme berdi, - dep habarlaidy "Ult aqparat" qarjy retteýshisiniń baspasóz qyzmetine silteme jasap.
"Qazaqstan Halyq banki" AQ pen "Qazkom" AQ arasynda kelissózderdiń bastalǵany týraly Ulttyq bankke bankterdiń menedjmenti jáne aktsionerleri habarlady. Qarjy naryqtarynyń jahandanýy jáne yqpaldasý protsesteriniń kúsheiýi jaǵdaiynda bank sektorynyń shoǵyrlaný úrdisi kóptegen elderge, onyń ishinde Qazaqstanǵa de tán. Bul týraly QR UB tóraǵasynyń orynbasary Oleg Smoliakov habarlady.
"Mámile naqty iske asyrylǵanǵa deiin bankter Ulttyq bankten iri aktsionerlerdi aýystyrýǵa kelisim alýǵa tiis, ol kelisim bankterdiń barlyq depozitorlary men kreditorlarynyń múddesin qorǵaý qamtamasyz etilgen, sondai-aq bankterdiń biznesin ornyqty damytý úshin jańa aktsionerlerde qarjylai múmkindik bolǵan jaǵdaida ǵana bolýy múmkin", - dep habarlady Smoliakov.
Sonymen birge, onyń aitýynsha, Ulttyq bank shoǵyrlaný protsesine qatysatyn árbir bank minoritariileriniń quqyqtaryn saqtaý boiynsha, sondai-aq ózge ilespe mindettemelerdiń tolyq kólemde oryndalýy boiynsha qarjy institýttary mindettemeleriniń oryndalýy bóliginde monitoringti júzege asyrýǵa daiyn ekendigin málimdeidi.
"Sonymen birge, Qazaqstan zańnamasyna sáikes "Qazaqstan Halyq banki" AQ pen "Qazkom" AQ talqylap otyrǵan mámileniń ýaqytsha shekteýleri joq ekenine kóńil aýdarý qajet", - dep atap ótti Smoliakov. Ol "Ulttyq Bank bank sektorynyń qarjylyq ornyqtylyǵyn jáne bankterdiń bank zańnamasynyń talaptaryn buljytpai saqtaýyn qamtamasyz etý saiasatyn jalǵastyrady", - dep tolyqtyrdy ol.
