Almatyda Ulttyq Bank, Qazaqstannyń depozitterge kepildik berý qory ókilderiniń jáne «Qazinvestbank» AQ ýaqytsha ákimshiliginiń qatysýymen BAQ ókilderine arnalǵan brifing ótti. Onda retteýish litsenziiasynan aiyrylǵan Qazinvestbanktiń salymshylarymen jumys isteý tártibi túsindirildi.
Spikerler 2016 jylǵy 26 jeltoqsanda bank litsenziiasynan aiyrylǵan kúnnen bastap «Qazinvestbank» AQ-ǵa ýaqytsha ákimshilik engizilgendigin atap ótti.
«Qazinvestbank» AQ ýaqytsha ákimshiliginiń basshysy Djemma Zinýllina BAQ ókilderine ýaqytsha ákimshiliktiń negizgi mindetteri týraly aityp berdi.
«Taratý komissiiasyn taǵaiyndaǵannan keiin ýaqytsha ákimshiliktiń qyzmeti toqtatylady. Taratý komissiiasynyń tóraǵasyna «Qazaqstan Respýblikasyndaǵy bankter jáne bank qyzmeti týraly» QR Zańynda belgilengen merzimde múlik jáne qujattar (uiymnyń býhgalterlik jáne ózge qujattamasy, mór, mórtabandar, materialdyq qundylyqtar jáne ózge múlik) beriledi», – dedi D. Zinýllina.
Onyń aitýynsha, ýaqytsha ákimshilik bankke túsken, onyń ishinde buryn berilgen kreditter boiynsha qaryz alýshylar qaitarǵan aqshanyń; qaryzdar boiynsha syiaqyny, ósimpul men aiyppuldardy qosa alǵanda, buryn júrgizilgen mámilelerden kiris túsýin baqylaidy.
«Ýaqytsha ákimshilik klientterge banktiń seif uiashyqtarynda ornalastyrylǵan múlikti qaitarady, qate nusqaýlar boiynsha kelip túsken aqshany qaitarady, banktiń múlki men aktivterin túgendeýmen ainalysady», – dep jalǵastyrdy ol.
D. Zinýllina jýrnalisterdiń ýaqytsha ákimshiliktiń bank salymshylarymen esep aiyrysýǵa quqyǵy bola ma degen suraǵyna da jaýap berdi. «Joq, bul rásimdi taratý komissiiasy júrgizedi», – dep naqtylady ol.
D. Zinýllinanyń aitýynsha, ýaqytsha ákimshiliktiń quramyna ýákiletti organnyń jáne depozitterge mindetti kepildik berýdi júzege asyratyn uiymnyń («Qazaqstannyń depozitterge kepildik berý qory» AQ) qyzmetkerleri kiredi.
Sondai-aq, Djemma Zinýllina «Qazinvestbank» AQ ýaqytsha ákimshiligi salymshylarǵa shuǵyl rejimde aqparat berý maqsatynda «jedel jeliler» telefondary: «Qazinvestbank» AQ +7(727) 330 00 77, QDKQ +7 (727) 291 56 89 nemese 8 8000 80 10 20 (qońyraý shalý tegin) ashylǵanyn atap kórsetti.
Barlyq suraq boiynsha «Qazinvestbank» AQ-nyń +7 (727) 2619 060 (ishki. 5007) «jedel jeli» telefony, Ulttyq banktiń Bankterdi qadaǵalaý departamentinde +7 (727) 270 48 93 telefony, QR Ulttyq bankiniń Qarjylyq qyzmetterdi tutynýshylardyń quqyqtaryn qorǵaý jáne syrtqy kommýnikatsiialar basqarmasynda +7 (727) 278 80 84 telefony nemese «QUB Online» mobildi qosymsha arqyly ótinish jasai alady.
Sonymen birge «Qazinvestbank» AQ salymshylary QRUB-nyń Almaty q., Áiteke bi k-si, 67 mekenjaiyndaǵy Qoǵamdyq qabyldaý bólmesine júgine alady. Anyqtama telefony: +7 (727) 261 92 13. Qoǵamdyq qabyldaý bólmesiniń jumys isteitin ýaqyty: kún saiyn saǵ. 10:00-den 17:00-ge deiin (saǵ. 12:30 – 14:30 úzilis). Aldyn ala jazylý talap etilmeidi.
Derekkóz: 7kun.kz
.jpeg)