Qazaqstan Ulttyq banki qazaqstandyqtarǵa baǵa turaqsyz ýaqytta valiýta satyp almaýǵa keńes berdi, dep habarlaidy "Ult aqparat" retteýishtiń baspasóz qyzmetine silteme jasap.
«Ulttyq bank shetel valiýtasyna qatty qajettilik bolmaǵan jaǵdaida halyqqa jáne uiymdarǵa aiyrbastaý baǵamynyń qubylmaly jaǵdaiynda aktivterdi bir valiýtadan ekinshisine aýystyrýdan bas tartýǵa keńes beredi. Valiýtany turaqsyz kezde satyp alý - jinaqty joǵaltý qaýpin arttyrady», - delingen habarlamada.
Budan buryn, Ulttyn bank 2018 jyldyń qyrkúieginde ishki valiýtalyq naryqta teńgeni álsiretetin teńgerimsizdiktiń kúsheigeninin habarlaǵan edi. Osyǵan bailanysty Ulttyq bank ishki valiýta naryǵyn turaqtandyrý maqsatynda 2017 jyldyń qazanynan bastap alǵash ret valiýtalyq interventsiia júrgizý týraly sheshim qabyldady. Osylaisha, Ulttyq bank 2018 jyldyń 5-7 qazan aralyǵynda 520,6 mln AQSh dollaryn satty.
