قازاقستان ۇلتتىق بانكٸ قازاقستاندىقتارعا باعا تۇراقسىز ۋاقىتتا ۆاليۋتا ساتىپ الماۋعا كەڭەس بەردٸ, دەپ حابارلايدى "ۇلت اقپارات" رەتتەۋٸشتٸڭ باسپاسٶز قىزمەتٸنە سٸلتەمە جاساپ.
«ۇلتتىق بانك شەتەل ۆاليۋتاسىنا قاتتى قاجەتتٸلٸك بولماعان جاعدايدا حالىققا جەنە ۇيىمدارعا ايىرباستاۋ باعامىنىڭ قۇبىلمالى جاعدايىندا اكتيۆتەردٸ بٸر ۆاليۋتادان ەكٸنشٸسٸنە اۋىستىرۋدان باس تارتۋعا كەڭەس بەرەدٸ. ۆاليۋتانى تۇراقسىز كەزدە ساتىپ الۋ - جيناقتى جوعالتۋ قاۋپٸن ارتتىرادى», - دەلٸنگەن حابارلامادا.
بۇدان بۇرىن, ۇلتتىن بانك 2018 جىلدىڭ قىركٷيەگٸندە ٸشكٸ ۆاليۋتالىق نارىقتا تەڭگەنٸ ەلسٸرەتەتٸن تەڭگەرٸمسٸزدٸكتٸڭ كٷشەيگەنٸنٸن حابارلاعان ەدٸ. وسىعان بايلانىستى ۇلتتىق بانك ٸشكٸ ۆاليۋتا نارىعىن تۇراقتاندىرۋ ماقساتىندا 2017 جىلدىڭ قازانىنان باستاپ العاش رەت ۆاليۋتالىق ينتەرۆەنتسييا جٷرگٸزۋ تۋرالى شەشٸم قابىلدادى. وسىلايشا, ۇلتتىق بانك 2018 جىلدىڭ 5-7 قازان ارالىعىندا 520,6 ملن اقش دوللارىن ساتتى.
