QR Ulttyq banki Memleket basshysynyń tapsyrmasymen Ipotekalyq qaryz alýshylarǵa memlekettik qoldaý kórsetý sheńberinde 2015 jyldan bastap Ipotekalyq qaryzdardy qaita qarjylandyrý baǵdarlamasyn iske asyrýda, dep habarlaidy banktiń baspasóz qyzmeti.
Baspasóz málimetterine qaraǵanda, Ulttyq bank 2015 jyly bólgen 130 mlrd teńge bankterdiń 2004 - 2009 jyldar aralyǵyndaǵy kezeńde bergen jáne jalǵyz turǵyn úimen qamtamasyz etilgen qaryzdardy qaita qarjylandyrýǵa baǵyttalǵan.
2019 jylǵy 1 naýryzda bankter baǵdarlama sheńberinde 162,5 mlrd teńgege 26,2 myń qaryzdy maquldady. Onyń ishinde 142,8 mlrd teńgege 24,5 myń qaryz qaita qarjylandyryldy.
Bólingen qarajattyń tolyq igerilýine bailanysty, qazirgi ýaqytta qaryzdardy qaita qarjylandyrý buryn qaita qarjylandyrylǵan qaryzdardy óteýden túsetin aqsha esebinen júzege asyrylady. Sonymen qatar aqsha igerýdiń revolverlik tetigin eskere otyryp, qaita qarjylandyrylǵan qaryzdardyń sany 2026 jylǵa deiin shamamen 40 myń bolýy múmkin.
2018 jylǵy 10 qańtarda Qazaqstan Respýblikasynyń Tuńǵysh Prezidenti - Elbasy óziniń Qazaqstan halqyna Joldaýynda Ulttyq Bankke 2016 jylǵy 1 qańtarǵa deiin berilgen halyqtyń valiýtalyq ipotekalyq qaryzdary jónindegi máseleni túpkilikti sheshýdi tapsyrdy.
Atalǵan tapsyrmany oryndaý maqsatynda Ulttyq bank basqarmasy 2018 jylǵy 27 naýryzda jańa redaktsiiada bekitken baǵdarlama 2016 jylǵy 1 qańtarǵa deiin berilgen jeke tulǵalardyń valiýtalyq ipotekalyq qaryzdaryn qaita qarjylandyrýdy kózdeidi.
Qaryzdar Ulttyq banktiń 2015 jylǵy 18 tamyzdaǵy baǵamy (bir AQSh dollary úshin 188,35 teńge) boiynsha teńgemen qaita qarjylandyrylýǵa tiis ekendigin eske salamyz. Baǵamdyq aiyrma somasy (shamamen 156 mlrd teńge) Ulttyq bank qarajaty esebinen óteledi.
Bankter memlekettik-jeke áriptestik sheńberinde qaryz alýshylardyń 136 mlrd teńgeden asatyn somada syiaqysy, komissiialary, turaqsyzdyq aiyby boiynsha bereshegin keshiretinin habarlaimyz.
2019 jylǵy 1 naýryzda bankter 56,4 mlrd teńge somaǵa valiýtalyq ipotekalyq qaryzdardy qaita qarjylandyrýǵa 6,7 myń ótinimdi maquldady, onyń ishinde 42,2 mlrd teńge somaǵa 5,3 myń qaryz qaita qarjylandyryldy.
Valiýtalyq ipotekalyq qaryzdardy qaita qarjylandyrý merzimi 2019 jylǵy 15 shildede aiaqtalatynyna nazar aýdaramyz. Osy merzim aiaqtalǵannan keiin bankter qaryz alýshylarǵa bereshekti óndirip alýǵa baǵyttalǵan, zańnamada kózdelgen sharalardy qoldanýǵa quqyly. Valiýtalyq ipotekalyq qaryzdy qaita qarjylandyrý úshin qaryz alýshylar 2019 jylǵy 1 shildeden keshiktirmei kreditor bankke ótinish berýi qajet.
Baǵdarlamany júieli taldaý kórsetkendei, qosymsha memlekettik qoldaýǵa halyqtyń áleýmettik osal toptaryna (HOT) jatatyn qaryz alýshylar, sondai-aq jalǵyz múlki qaryz boiynsha mindettemelerdi oryndaý esebinen bankterdiń balansyna ótken qaryz alýshylar muqtaj.
HOT sanatyna jatatyn qaryz alýshylardyń kópshiligi úshin áleýmettik tólemder men biýdjetten járdemaqylar, onyń ishinde qaryzǵa qyzmet kórsetýge múmkindik bermeitin ataýly áleýmettik kómek kiristiń jalǵyz kózi bolyp tabylady.
HOT qaryz alýshylaryn qosymsha qoldaýdyń talaptaryn ázirleý jáne qaryz alýshylardyń menshigine bankterdiń balanstarynda turǵan turǵyn úidi qaitarý úshin Ulttyq bankte jumys toby quryldy. Oǵan múddeli memlekettik organdardyń, saiasi partiialardyń ókilderi, ekinshi deńgeidegi bankterdiń ókilderi jáne qoǵamdyq birlestikterdiń basshylary kirdi.
Suraqtar týyndaǵan kezde qaryz alýshylarǵa Qazaqstan Ulttyq Bankiniń jáne bankterdiń olardyń aýmaqtyq tiesiligine sáikes tiisti filialdaryna júginýdi usynamyz. Filialdardyń bailanystary «Bailanys» bóliminde siltemesi boiynsha qoljetimdi.
Baǵdarlama talaptarymen «Qarjylyq qyzmetterdi tutynýshylardyń quqyqtaryn qorǵaý» bóliminde siltemesi boiynsha Ulttyq Banktiń saitynda tanysýǵa bolady.
